ءوڭىر باسشىسى ءتىلسىز جاۋدان زارداپ شەككەن ريددەر تۇرعىندارىمەن كەزدەستى. ءوز سوزىندە ول تامىز ايىنىڭ سوڭىنا دەيىن باسپاناسىز قالعانداردىڭ ارقايسىسىنا جاڭا ءۇيدىڭ كىلتى بەرىلەتىندىگىن جەتكىزدى. بەس قۇرىلىس كومپانياسى بوتانيكا ىقشاماۋدانىندا جەتى ۇيدەن تۇرعىزادى.
قازىر وقيعا ورنىندا كوميسسيا مۇشەلەرى جۇمىس ىستەۋدە. ولار ناقتى كەلتىرىلگەن ماتەريالدىق زالال مولشەرىن ەسەپتەپ, ازاماتتارعا قۇجاتتارىن قالپىنا كەلتىرۋگە سەپتىگىن تيگىزەدى.
«بۇزىلعان ۇيلەردى قالپىنا كەلتىرمەيمىز. ۇيىنەن ايىرىلعان ءار ادامعا 80 شارشى مەترلىك باسپانا بەرىلەدى. اۋەلدە قۇرىلىسى اياقتالماعان 9 قاباتتى تۇرعىن ءۇيدى ساتىپ الۋ جوسپارلانعان بولاتىن. الايدا 1996 جىلعى ءۇيدىڭ ءىشى ارلەنبەگەن ءارى قاجەتتى كوممۋنيكاتسيا تارتىلماعان. ونىڭ يەسى شارشى مەترى ءۇشىن 179 مىڭ تەڭگە سۇراپ وتىر. ال جەكە سەكتورداعى جاڭا ءۇيدىڭ شارشى مەترىنىڭ قۇنى – 160 مىڭ تەڭگە. بۇل بيۋدجەت قارجىسىنا دا ۇنەم بولادى. ۇيلەر تۇرعىندارعا ەش اقىسىز بەرىلەدى», دەدى دانيال احمەتوۆ.
قازىرگى كەزدە ساۋلەتشىلەر 35 ءۇي اۋماعىن بولۋدە, سوسىن بىردەن قۇرىلىس جۇمىستارى باستالماق.
