ءبىلىم • 11 مامىر، 2021

ۇبت-2021: 21 تەست سۇراعى قاتە قۇراستىرىلعان

196 رەت كورسەتىلدى

بۇل جايىندا ۇلتتىق تەستىلەۋ ورتالىعىنىڭ ديرەكتورى ديدار سماعۇلوۆ Facebook-تەگى پاراقشاسىندا جازدى، دەپ حابارلايدى Egemen.kz.

ء«مينيستردىڭ تاپسىرماسىمەن تاجىريبەسى، جەتىستىكتەرى مەن كاسىبيلىگى تۇرعىسىنان ازىرلەۋشىلەرگە قويىلاتىن تالاپتار كۇشەيتىلدى، ءار تەست تاپسىرماسىنىڭ ساپاسى بويىنشا كەلىسىمشارتتا قوسىمشا جاۋاپكەرشىلىك ەنگىزىلىپ، جوسىقسىز ازىرلەۋشىلەردىڭ ءتىزىمى (قارا تىزىمگە) قۇراستىرىلدى، ياعني ول تىزىمگە كىرۋ - ۇتو جۇمىسىنا قاتىسۋدىڭ كەز-كەلگەن مۇمكىندىگىن جويادى.

سونداي-اق، ءبىز ورتالىقتىڭ ىشىندە دە ءتيىستى جۇمىستاردى جۇرگىزدىك: تەستولوگيا بويىنشا بىرنەشە وقىتۋ كۋرستارىن وتكىزىپ، ساراپشىلاردىڭ لاۋازىمدىق نۇسقاۋلىقتارىندا ءار تەستتىڭ ساپاسىنا قاتىستى جاۋاپكەرشىلىكتى ارتتىردىق، سونىمەن قاتار تەستىلەۋدى ازىرلەۋدە ورتالىق قىزمەتكەرلەرىنىڭ تۋىستارىنىڭ قاتىسۋىنا تىيىم سالدىق (سالەم، مۇددەلەر قاقتىعىسى).

بۇنىڭ بارلىعى قازىردىڭ وزىندە ناقتى ناتيجەلەرگە الىپ كەلىپ وتىر: ەگەر 2018 جىلى اپەللياتسيا قورىتىندىسى بويىنشا 101 تەست تاپسىرمالارى دۇرىس ەمەس دەپ تانىلسا، 2019 جىلى - 58، 2020 جىلى - 27، ال 2021 جىلعى ناۋرىز ايىنداعى ۇبت ناتيجەلەرى بويىنشا اپەللياتسيادا تەك 21 تەست تاپسىرماسى قاناعاتتاندىرىلدى.

ونىڭ ۇستىنە جىلدان-جىلعا «ەستە ساقتاۋدى جاتتىقتىرۋعا» باعىتتالعان تاپسىرمالاردى ازايتىپ، فۋنكتسيونالدىق ساۋاتتىلىققا، ياعني العان ءبىلىمدى ءىس جۇزىندە قولدانا بىلۋگە باسىمدىق بەرۋدەمىز. قازىردىڭ وزىندە مۇنداي تاپسىرمالاردىڭ 70 پايىزدان استامى دايىن. ال وسى جىلدىڭ جاڭالىعى - قازاقستان تاريحى مەن دۇنيەجۇزى تاريحى بويىنشا ناقتى داتالاردىڭ جاريالانۋى. تەك وسى داتالاردان عانا ساندارعا بايلانىستى سۇراقتار كەزدەسەدى. ولاردىڭ جالپى سانى ءار تەستىلەنۋشىگە تەك 2-ەۋ-3-ءۋى عانا كەلەتىندەي ەتىپ قىسقارتتىق. ۇبت- بۇل جاتتاپ الۋ دەگەن ءسوز ەمەس!»،  دەپ جازدى ديدار سماعۇلوۆ.

سوڭعى جاڭالىقتار

وڭىردە دامۋ ءۇردىسى بار

ايماقتار • كەشە

تاڭدايدىڭ تارلانى

تاريح • كەشە

جوعالعان سولدات

تاريح • كەشە

دومبىرانى دارىپتەدى

رۋحانيات • كەشە

ۇقساس جاڭالىقتار