قاسىم-جومارت توقاەۆ لوگار پروۆينتسياسىنىڭ پۋلي-الام قالاسىندا جانە ەل استاناسى كابۋلدا بولعان تەرروريستىك شابۋىلداردىڭ سالدارىنان كوپتەگەن ادامنىڭ, اسىرەسە, بەيكۇنا بالالاردىڭ قازا تاپقانى تۋرالى اقپاراتتى زور كۇيزەلىسپەن قابىل الدى.
– ءسىزدىڭ ەلىڭىزدىڭ جانە بۇكىل حالىقارالىق قاۋىمداستىقتىڭ وسى جانتۇرشىگەرلىك قىلمىستى باتىل ايىپتاۋىنا قوسىلامىن. قازاقستان وسىنداي قيىن-قىستاۋ ساتتە اۋعان حالقىمەن بىرگە ەكەنىن راستايدى. قازاقستان حالقىنىڭ جانە جەكە ءوز اتىمنان قازا تاپقانداردىڭ وتباسىلارىنا قايعىسىنا ورتاقتاسىپ كوڭىل ايتامىن. سونداي-اق جاراقات العان ازاماتتاردىڭ تەزىرەك ساۋىعىپ كەتۋىنە تىلەكتەسپىن, – دەلىنگەن جەدەلحاتتا.
