ەكولوگيا • 10 مامىر، 2021

اتىراۋ وبلىسىندا 2 توننا بالىق قىرىلدى

1240 رەت كورسەتىلدى

بالىق شارۋاشىلىعى كوميتەتىنىڭ مالىمەتىنە سۇيەنسەك، اتىراۋ وبلىسىنىڭ قۇرمانعازى اۋدانىندا 2 توننا قاراكوز بالىعى قىرىلعان، دەپ حابارلايدى Egemen.kz

«جايىق-كاسپي وبلىسارالىق باسسەيندىك بالىق شارۋاشىلىعى ينسپەكتسياسىنىڭ قىزمەتكەرلەرى 9 مامىردا رەيدتىك ءىس-شارالار جۇرگىزۋ كەزىندە قۇرمانعازى اۋدانىنىڭ قۇرمانعازى اۋىلىنان شامامەن 20 شاقىرىم جەردە شارون وزەنىنەن شىققان جىرا اۋماعىنداعى قامىستار اراسىنان قاراكوز بالىقتارىنىڭ قىرىلۋ فاكتىسى انىقتالدى. اتالعان اۋماقتا قىرىلعان شامامەن 2 توننا بالىق جەرگىلىكتى اتقارۋشى ورگان جانە قۇرمانعازى بالىق ينسپەكتسياسىنىڭ قىزمەتكەرلەرىمەن جەرگە كومۋ ارقىلى جويىلاتىن بولادى. قازىرگى ۋاقىتتا بۇل جۇمىسقا اۋ قۇرالدارى، تارنسپورت پەن جۇمىسشى كۇشى تارتىلۋدا» دەلىنگەن كوميتەت تاراتقان اقپاراتتا. 

بالىقتاردىڭ قىرىلۋىنا شارون وزەنىنە ءور سۋىنىڭ كەش كەلۋى سەبەپ بولۋى مۇمكىن. بۇل تۋرالى مۇددەلى مەملەكەتتىك جانە جەرگىلىكتى اتقارۋشى ورگاندار حاباردار ەتىلىپتى.

سوڭعى جاڭالىقتار

دوللار قىمباتتادى

قارجى • كەشە

ۇقساس جاڭالىقتار