الەم • 10 مامىر، 2021

يتالياعا تۋريستەر قاشاننان باستاپ ساياحاتتاي الادى؟

18 رەت كورسەتىلدى

شەتەلدىك تۋريستەر مامىردىڭ ەكىنشى جارتىسىنان باستاپ يتالياعا كەلە الادى، دەپ حابارلايدى Egemen.kz

ەلدىڭ مينيسترلەر كەڭەسىنىڭ توراعاسى ماريو دراگيدىڭ ايتۋىنشا، ەو بىرىڭعاي «ەلەكتروندى جاسىل تولقۇجات» قابىلداعانعا دەيىن، 15 مامىردان باستاپ تۋريستەر ۇلتتىق «جاسىل تولقۇجات» ارقىلى ەل ىشىندە ساياحات جاساي الادى. ونى ۆاكتسينالاۋ تۋرالى انىقتاما، COVID-19-عا تەرىس تەست بولعان كەزدە نەمەسە بۇرىن ينفەكتسيا جۇقتىرىپ، اۋرۋدان جازىلعان جاعدايدا الۋعا بولادى.

يتاليا بيلىگى COVID-19 سالدارىنان ەنگىزىلگەن شەكتەۋلەردى كەزەڭ-كەزەڭىمەن الىپ تاستاپ جاتىر، ويتكەنى تۋريزم يندۋسترياسى ەل ەكونوميكاسى ءۇشىن ماڭىزدى ءرول اتقارادى. الدىمەن اشىق الاڭى بارلار مەن مەيرامحانالاردىڭ جۇمىسىن قالپىنا كەلتىرۋ، سودان كەيىن مۋزەيلەر، تەاترلار مەن كينوتەاترلاردى اشۋ جوسپارلانىپ وتىر.

سوڭعى جاڭالىقتار

ۇقساس جاڭالىقتار