اتىراۋ وبلىستىق «جاس ۇلان» بىرىڭعاي بالالار مەن جاسوسپىرىمدەر ۇيىمىنىڭ اتقارۋشى ديرەكتورى ايىمگۇل قوساليەۆانىڭ ايتۋىنشا, اكتسياعا بەلسەندى وقۋشىلار مەن قازاقستان حالقى اسسامبلەياسى «جاڭعىرۋ جولى» جاستار قوزعالىسىنىڭ ۆولونتەرلارى قاتىستى.
«بۇل جوبا بىرنەشە ماقساتتى كوزدەيدى. بىرىنشىدەن, جاس بۋىننىڭ تابيعاتقا جاناشىرلىعىن وياتۋ. ەكىنشىدەن, قالانى كوگالداندىرۋعا ۇلەس قوسۋ. ۇشىنشىدەن, ءوزىمىز اۋاسىن جۇتىپ, سۋىن ءىشىپ وتىرعان قورشاعان ورتانىڭ تازالىعىن ساقتاۋ. مىنە, وسىنداي ماڭىزدى ماقساتتاردى ىسكە اسىرۋ ءۇشىن دوستىق ءۇيى جانىنداعى ساياباقتى تاڭداپ الدىق», دەيدى ايىمگۇل قوساليەۆا.
