ايماقتار • 07 مامىر، 2021

شىعىس قازاقستان: يزولياتور قىزمەتكەرلەرى ىزەتتىلىك كورسەتتى

57 رەت كورسەتىلدى

وسكەمەن قالاسى تەرگەۋ يزولياتورىنىڭ قىزمەتكەرلەرى كوپبالالى وتباسىلارعا، الەۋمەتتىك از قامتىلعاندارعا ۇنەمى قايىرىمدىلىق جاساپ جۇرەدى، دەپ حابارلايدى Egemen.kz.

جۋىقتا وزدەرىنىڭ 3 بالاسىنان بولەك 2 بالانى باۋىرلارىنا باسىپ العان وتباسىنا سىيلىق جاساپ قايتتى. وتباسىنداعى بەس بالا دا مەكتەپ وقۋشىلارى. رامازان ايىندا از دا بولسا ءبىر وتباسىعا كومەك بەرىپ، بالالاردىڭ جۇزىنە كۇلكى ۇيالاتقان مەكەمە قىزمەتكەرلەرىنە انا جۇرەك تە العىس ايتقان.

سونىمەن قاتار، قاجد وۆ-156/1 مەكەمەسىنىڭ قىزمەتكەرلەرى كوروناۆيرۋس ينفەكتسياسىنىڭ الدىن الۋ ماقساتىندا، «وزىڭە جانە جاقىندارىڭا اباي بول!» اتتى  اكتسيا وتكىزدى. اكتسيا اياسىندا مەكەمە قىزمەتكەرلەرى كوشەدە بەتپەردەسىز جۇرگەن جاياۋ جۇرگىنشىلەرگە مەديتسينالىق بەتپەردە تاراتتى.  

– ءبىز قايىرىمدىلىق ىستەرمەن ۇنەمى اينالىسىپ جۇرەمىز. اينالامىزداعى ادامداردى قۋانتىپ، دەمەۋ بولعىمىز كەلەدى. ارينە، ءبارىن ءتىزىپ ايتا بەرمەيمىز. دەسە دە، مۇقتاجعا جەبەۋ بولاتىنىمىزدى ءبىرى بىلسە، ءبىرى بىلمەي جاتادى، – دەيدى پودپولكوۆنيك جاسۇلان مىرزاحان ۇلى.

 

سوڭعى جاڭالىقتار

دوللار قايتادان قىمباتتادى

قارجى • بۇگىن، 15:00

ۇقساس جاڭالىقتار