الەم • 06 مامىر، 2021

يلون ماسكتىڭ Starship عارىش كەمەسى ءساتتى ۇشىرىلدى

14 رەت كورسەتىلدى

يلون ماسك باسقارعان امەريكاندىق SpaceX كومپانياسى الىس عارىش ساپارىنا، سونىڭ ىشىندە اي جانە مارسقا ۇشۋعا ارنالعان عارىش كەمەسىن جاساۋدا ماڭىزدى قادام جاسادى، دەپ حابارلايدى، Egemen.kz.

Starship كەمەسىنىڭ ءپروتوتيپى، SN15 كەمەسىنىڭ ۇشىرىلۋى ءساتتى ءوتتى. ول اۋەلى 10 شاقىرىم بيىككە كوتەرىلىپ، ودان كەيىن تەحاستاعى عارىش ايلاعىنا قوندى.

Starship-ءتى بۇعان دەيىنگى ءتورت سىناعى ءارتۇرلى سەبەپتەرمەن ءساتسىز وتكەن. عارىش كەمەسى قونار كەزدە نە اۋەدە جارىلعان. ونىڭ ءپروتوتيپىنىڭ ءبىرى ءساتتى قوندى، الايدا كوپ ۇزاماي ءورت شىعىپ، جانىپ كەتتى. SN15 ۇشىرىلىمى پروبلەماسىز ءوتتى. كەمە مەتانمەن جۇمىس ىستەيتىن Raptor قوزعالتقىشىنىڭ كومەگىمەن بەرىلگەن اۋەگە كوتەرىلدى. ودان كەيىن قوزعالتقىشتارى ءوشىرىلىپ، اپپارات كولدەنەڭ قالىپقا ءوتىپ، تومەندەي باستاعان.

SpaceX جوسپارىنا سايكەس، بولاشاقتا عارىش كەمەلەرى عارىشتان جەرگە ءدال وسىلاي ورالادى. ۇشۋدىڭ سوڭعى كەزەڭى – زىمىران كولدەنەڭنەن باسقا قالىپقا اۋدارىلدى، قونۋى دا جوسپارعا سايكەس ءوتتى. الاڭداۋعا ءبىر عانا سەبەپ بولعان – جەرگە قونار كەزدە، كەمەدەن ءورت شىقتى. الايدا جالىن تەز ءسوندىرىلدى. امەريكانىڭ ناسا عارىش اگەنتتىگى Starship جوباسىنا ۇلكەن قىزىعۋشىلىعىن تانىتىپ وتىر، سەبەبى ءدال وسى SpaceX استروناۆتتاردى ايعا جەتكىزەتىن كەمەلەردى شىعارۋ قۇقىعىنا يە بولعان. بولاشاقتا يلون ماسكتىڭ كومپانياسى سونداي-اق مارسقا ارنايى ميسسيالاردى اتتاندىرماق، Starship پلانەتاارالىق ساپاردا بورتىنا 100 ادامعا دەيىن الىپ كەتە الادى دەگەن ءۇمىتى بار.

سوڭعى جاڭالىقتار

الەكسەي تسوي وتستاۆكاعا كەتە مە؟

قازاقستان • بۇگىن، 15:37

كەڭەستەردىڭ قىزمەت اياسى كەڭەيدى

قازاقستان • بۇگىن، 08:37

5 جىلدا – 2 ملرد اعاش

قازاقستان • بۇگىن، 08:36

ءسۇت زاۋىتىنداعى سىناق

ايماقتار • بۇگىن، 08:27

«قارا باۋىر قاسقالداق»

رۋحانيات • بۇگىن، 08:25

ۇقساس جاڭالىقتار