جاڭا ءوندىرىستى ىسكە قوسۋ سالتاناتتى راسىمىنە قر يندۋستريا جانە ينفراقۇرىلىمدىق دامۋ مينيسترلىگى, قر قورعانىس مينيسترلىگى, قر قارۋلى كۇشتەرى, ۇلتتىق قورعانىس ۋنيۆەرسيتەتى, «قازاقستان ينجينيرينگ» ۇلتتىق كومپانياسىنىڭ وكىلدەرى قاتىستى.
سالتاناتتى ءىس-شارانى قر قارۋلى كۇشتەرىنىڭ قۇرلىق اسكەرلەرى باس قولباسشىسىنىڭ ورىنباسارى, گەنەرال-مايور الەكساندر ءاشىروۆ اشتى. قىزىل ءجىپتى سيمۆولدىق تۇردە كەسىپ, قازاقستان رەسپۋبليكاسى قارۋلى كۇشتەرىنىڭ قورعانىس قابىلەتىن ارتتىرۋ ماقساتىندا قۇرىلعان جاڭا ءوندىرىستىڭ جۇمىسىن باستاپ بەردى.
SKYALRK-1LEX جۇيەسى تۋرالى:
SKYALRK-1LEX جوعارى ءتيىمدى ۇشقىشسىز ۇشۋ اپپاراتى (ۇۇا) اسكەردىڭ مانەۆرلىك بولىمشەلەرىن 40 شاقىرىمدا تىك كورۋ قاشىقتىعى شەگىندە 3 ساعات بويى كۇندىز جانە تۇندە ناقتى ۋاقىت رەجيمىندە جوعارى ساپالى بەينە دەرەكتەرمەن قامتاماسىز ەتەدى.
ۇۇا الەمنىڭ 25 ەلىندە بار جانە 100 مىڭنان استام ساعات ۇشىپ, ءوز تيىمدىلىگىن دالەلدەدى.
جۇيەنى ءيزرايلدىڭ Elbit Systems Ltd كومپانياسى ازىرلەگەن جانە 2014 جىلدان باستاپ قازاقستاننىڭ قارۋلى كۇشتەرى ءتيىمدى پايدالانىپ كەلەدى.
