«ەلىمىزدە ۆاكتسينالاۋ وسى جىلدىڭ اقپانىندا باستالدى. بۇگىندە 2,3 ملن دوزا ۆاكتسيناعا قولجەتىمدىلىك قامتاماسىز ەتىلگەن. 1 ساۋىردەن باستاپ ۆاكتسينالاۋ قارقىنىن 12 ەسەگە ارتتىرىپ, ياعني تاۋلىگىنە 11 مىڭنان 135 مىڭعا جەتكىزىپ وتىرمىز. قازىرگى ۋاقىتتا بىزدە ءۇش ۆاكتسينا بار جانە ازاماتتارعا تاڭداۋ مۇمكىندىگى بەرىلىپ وتىر. ولار – سپۋتنيك-V, QazVac جانە Hayat-Vaح. ۆاكتسينالار قازاقستاننىڭ بارلىق وڭىرىندە قولجەتىمدى», دەدى ا.تسوي.
ءمينيستردىڭ سوزىنشە, بۇگىنگە دەيىن 1 507 389 ازامات ۆاكتسينانىڭ I-كومپونەنتىن, 422 279 ادام II-كومپونەنتىن الدى. سونىمەن قاتار ول ەلىمىزدىڭ بارلىق مەديتسينالىق ۇيىمىن قاجەتتى تەمپەراتۋرا رەجىمىمەن قامتاماسىز ەتۋ, مۇزداتقىش جابدىقتارىن ساتىپ الۋ بويىنشا اۋقىمدى جۇمىس جۇرگىزىلگەنىن اتاپ ءوتتى.
«ەڭ ماڭىزدىسى ءموبيلدى ەكپە جاساۋ بريگاداسى وقىتىلدى. قازىر شامامەن 11 مىڭ مەديتسينا قىزمەتكەرى ۆاكتسينالاۋ پروتسەسىن قامتاماسىز ەتۋدە. ەلىمىزدە 1,4 مىڭ ەگۋ پۋنكتى قۇرىلدى. ونىڭ ىشىندە 400-ءى – كوشپەلى پۋنكت. ولار ەڭبەك ۇجىمدارىنا, ساۋدا ۇيلەرىنە, ءىرى ساۋدا ورتالىقتارىنا بارىپ ەكپە جاسايدى. سوندىقتان ۆاكتسينالاۋ بارىسى قارقىندى جۇرگىزىلىپ جاتىر دەپ ايتا الامىز. ەل تۇرعىندارىنىڭ ۆاكتسيناعا دەگەن سەنىمى دە ارتىپ كەلەدى», دەدى ا.تسوي.
سونىمەن قاتار ۆەدومستۆو باسشىسى ەلىمىزدە كوروناۆيرۋس ۆاكتسيناسىن العان ازاماتتاردىڭ 0,02 پايىزى عانا ۆيرۋستى قايتا جۇقتىرىپ العانىن العا تارتتى.
«جالپى العاندا ۆاكتسينالاۋ پروتسەسىنىڭ بۇگىندە وتە بەلسەندى ءجۇرىپ جاتقانىن كورىپ وتىرمىز. ازاماتتارىمىز ۆاكتسيناعا ۇلكەن سەنىم ارتا باستادى. ۆاكتسينا العان ازاماتتاردىڭ ىشىندە تەك شامامەن 0,02 پايىزى عانا اۋىرىپ قالدى», دەدى مينيستر.
ونىڭ پايىمداۋىنشا, مۇنداي كورسەتكىش ۆاكتسينانىڭ ءتيىمدى ەكەنىن كورسەتەدى. «ول ايقىن كورىنىپ تۇر. ارينە, ۆاكتسينالاۋدىڭ مۇنان ارعى قارقىنى دەنساۋلىق ساقتاۋ جۇيەسىنىڭ ۇيلەسىمدى جۇمىسىنا, سونىمەن قاتار ازاماتتاردىڭ تۇسىنىگىنە, جاقىندارى ءۇشىن دۇرىس تاڭداۋ جاساۋىنا جانە ۇجىمدىق يممۋنيتەتتىڭ دامۋىنا بايلانىستى ەكەنىن اتاپ وتكىم كەلەدى», دەدى ا.تسوي.
كوروناۆيرۋستان قايتىس بولعان ادامدى جۋىندىرۋ راسىمىنە تۋعان-تۋىستارىنان ەكى ادام عانا قاتىسا الادى. بۇل تۋرالى دەنساۋلىق ساقتاۋ ۆيتسە-ءمينيسترى اجار عينايات ايتتى.
«بۇگىندە جەرلەۋ ءراسىمى رەسپۋبليكانىڭ باس مەملەكەتتىك سانيتار دارىگەرىنىڭ قاۋلىسىنا سايكەس رەتتەلىپ, جۇرگىزىلەدى. كوروناۆيرۋس ينفەكتسياسىنان قايتىس بولعان ادامنىڭ ءمايىتى ارنايى ورىندا, ياعني پاتالوگواناتوميالىق مورگتاردا, بولىمشەلەردە جۋىندىرىلۋى كەرەك. وسى جۋىندىرۋ راسىمىنە تۋعان-تۋىستارىنان ەكى ادام قاتىسا الادى. تۋىستارى كىرگىزبەس بۇرىن قورعانىش كيىمدەرمەن, قۇرالدارمەن قامتاماسىز ەتىلەدى. ءمايىت جۋىندىرىلعاننان كەيىن جەرلەۋ ءۇشىن تۋعان-تۋىستارىنا بەرىلەدى», دەدى ۆيتسە-مينيستر.
ونىڭ ايتۋىنشا, جانازا راسىمىنە مارقۇمنىڭ تەك تۋعان-تۋىستارى قاتىسىپ, اراقاشىقتى ساقتاۋى, ماسكا تاعۋى قاجەت. «قازىرگى ۋاقىتتا جۋىندىرىلىپ بەرىلگەن ءمايىتتى ءدىني قىزمەتشىلەرگە نەمەسە تۋعان-تۋىستارىنا ۇستاۋعا بولمايدى. بارلىق ءمايىت جالپى زيراتقا جەرلەنىپ جاتىر. بۇگىنگى جەرلەۋ ءادىسى وسىنداي», دەدى اجار عينايات.
