ارنايى ونلاين-سەرۆيس ىسكە قوسىلدى

سەرۆيس بارلىق قىزىعۋشىلىق تانىتقان تۇلعاعا نەگىزگى قا­زاقستاندىق تەلەارنالاردىڭ اۋدي­توريالىق كورسەتكىشتەرىمەن تىكە­لەي رەجىمدە تانىسۋعا مۇمكىندىك بەرەدى.

ونلاين-سەرۆيس ينتەرنەت جەلى­سىنىڭ بارلىق پايدالانۋشىسىنا مينيسترلىكتىڭ رەسمي ساي­تىنداعى مىنا مەكەنجاي بو­يىنشا قولجەتىمدى: https://www.gov.kz/memleket/entities/inf/page/top10frame?lang=kk

كورسەتكىشتەردى MediaHills كوم­پانياسى TNS Central Asia («Kantar») كومپانياسىنىڭ تەلە­ولشەۋ پانەلىندە ID TV-دەن بولەك باسقا دا تۆ-وپەراتور­لار­دىڭ جەلىسىندە تەلەارنالاردىڭ اۋدي­تو­رياسىن انىقتاۋدىڭ دينا­ميكالىق جۇيە­سىن پايدالانا وتىرىپ وڭدەدى.

اتالعان ونلاين-سەرۆيس TNS Central Asia (Kantar) جانە MediaHills زەرتتەۋ كومپانيا­لارى­نىڭ ستراتەگيالىق سەرىك­تەس­تىگىنىڭ, سونداي-اق مينيسترلىكتىڭ مە­دياولشەۋلەر جۇيەسىن دامى­تۋ جونىندەگى جۇمىس توبى­نىڭ ساراپتامالىق جۇمىسىنىڭ ناتي­جە­سىندە ىسكە قوسىلدى.

مينيسترلىكتىڭ سايتىندا ۇسى­­نىلعان اۋديتوريالىق كورسەت­كىشتەر قازاقستاننىڭ 21 قالا­سىنداعى (اقتاۋ, اقتوبە, الماتى, اتى­راۋ, قاراعاندى, كوكشەتاۋ, قوس­تاناي, قىزىلوردا, نۇر-سۇل­تان, پاۆلودار, پەتروپاۆل, رۋد­نىي, سەمەي, تالدىقورعان, تاراز, تەمىرتاۋ, تۇركىستان, ورال, وسكەمەن, شىمكەنت, ەكى­باس­تۇز) 400 مىڭنان استام ءۇي شارۋا­شىلىعى بويىنشا قالىپتاسادى.

قازىرگى ۋاقىتتا سەرۆيستە تە­لە­ارنالار ۇلەسى جونىندە (تالدا­نىپ جاتقان ۋاقىت ارالى­عىندا كەز كەلگەن تالدانىپ جات­قان رەسپۋبليكالىق تەلەار­نانى قا­راعان بارلىق تەلەكو­رەر­مەننەن پايىزدىق تۇلعا­لاۋ­داعى تەلەارنا كورەرمەندەرىنىڭ سانى), ءار مينۋت سايىن قامتۋ (مينۋتىنا ءبىر رەت بولسىن تەلەارنانى قاراعان تەلەكورەرمەندەر سانى) جانە تەلەباعدارلامالاردى قامتۋ (ناقتى ءبىر تەلەباعدارلامانى قاراعان بىرەگەي تەلەكورەرمەندەر سانى) كورسەتكىشتەرى قولجەتىمدى.

سەرۆيستى ىسكە قوسۋ تەلە­كو­رەرمەننىڭ تالابىنا جەدەل تۇردە جاۋاپ بەرۋگە مۇمكىندىك بەرەدى, سونداي-اق قازاقستاندىق تەلەديدار كونتەنتىنىڭ باسەكەلەستىگىن ودان ءارى ارتتىرۋعا جول اشادى دەپ كۇتىلۋدە.