ارسلان مومىش ۇلى داندىباەۆ 1975 جىلى تۋعان.
اباي اتىنداعى الماتى مەملەكەتتىك ۋنيۆەرسيتەتىن حالىقارالىق قاتىناستار, رەفەرەنت ماماندىعى بويىنشا بىتىرگەن.
ەڭبەك جولىن قازاقستان رەسپۋبليكاسى سىرتقى ىستەر مينيسترلىگى كونسۋلدىق قىزمەت دەپارتامەنتىنىڭ مامانى, اتتاشەسى بولىپ باستادى.
ءار جىلداردا قازاقستان رەسپۋبليكاسىنىڭ ستامبۋل قالاسىنداعى كونسۋلدىعىنىڭ, قر-نىڭ تۇركيا رەسپۋبليكاسىنداعى ەلشىلىگىنىڭ اتتاشەسى, قر-نىڭ امستەردام قالاسىنداعى باس كونسۋلدىعىنىڭ ۆيتسە-كونسۋلى, قر-نىڭ نيدەرلاند كورولدىگىندەگى ديپلوماتيالىق ميسسياسىنىڭ ەكىنشى حاتشىسى, ءبىرىنشى حاتشىسى, قر-نىڭ تۇركيا رەسپۋبليكاسىنداعى ەلشىلىگىنىڭ ءبىرىنشى حاتشىسى, قر سىرتقى ىستەر مينيسترلىگىنىڭ مەملەكەتتىك پروتوكول قىزمەتى مەملەكەتتىك جانە ۇكىمەتتىك ساپارلار ءبولىمىنىڭ باستىعى, قر پرەزيدەنتى پروتوكولىنىڭ باس ساراپشىسى, كونسۋلتانتى, قر باس كونسۋلدىعىنىڭ كەڭەسشىسى, قر ستامبۋل قالاسىنداعى باس كونسۋلى, قر سىرتقى ىستەر مينيسترلىگىنىڭ الماتى قالاسىنداعى وكىلدىگىنىڭ باسشىسى, «استانا ەكسپو-2017» ۇك» اق پروتوكول قىزمەتىنىڭ باسشىسى, قر سىرتقى ىستەر مينيسترلىگى مەملەكەتتىك پروتوكول قىزمەتىنىڭ باسشىسى, قر پرەزيدەنتى پروتوكولى باسشىسىنىڭ ورىنباسارى لاۋازىمدارىن اتقاردى.
2019 جىلدىڭ ناۋرىزىنان – قر تۇڭعىش پرەزيدەنتى – ەلباسى پروتوكولىنىڭ باسشىسى.
ايتا كەتەيىك, الماتى وبلىسى اكىمىنىڭ وكىمىمەن رۋستام الي باسقا جۇمىسقا اۋىسۋىنا بايلانىستى وبلىس اكىمىنىڭ ورىنباسارى قىزمەتىنەن بوساتىلدى.
