ايماقتار • 05 مامىر، 2021

الماتىدا دەندراري كوشكىن قاۋپى بار بەتكەيدە سالىنادى

43 رەت كورسەتىلدى

جاسىل ەكونوميكا باسقارماسى الماتىدا دەندراري كوشكىن قاۋپى بار بەتكەيدە سالىناتىنىن ءمالىم ەتتى، دەپ حابارلايدى Egemen.kz

ۆەدومستۆو مالىمەتىنشە، دەندراريدى «سۇڭقار» حالىقارالىق شاڭعى ترامپليندەرى كەشەنىنىڭ اۋماعىندا سالۋ جوسپارلانىپ وتىر. قازىرگى ۋاقىتتا شەنەۋنىكتەر جوبالىق-سمەتالىق قۇجاتتامانى ازىرلەۋگە كونكۋرس جاريالادى.

ء«ترامپليندى اباتتاندىرۋ جانە كوگالداندىرۋ بويىنشا بايقاۋ جاريالاندى. جوبانى ىسكە اسىرۋ ءۇشىن تاجىريبەلى لاندشافت ديزاينەرلەرىن تارتامىز. جوبالاۋ كەزىندە ولار جەرگىلىكتى وسىمدىكتەردى وتىرعىزۋ ءۇشىن رەكرەاتسيالىق ايماق قۇرۋدىڭ تۇجىرىمداماسىن ەسكەرەدى. بۇل ەڭىستە كوشكىن ءجۇرۋ قاۋپى بار، سوندىقتان جسق ازىرلەۋ كەزىندە ساراپشىلار ەڭىستى سىرعىمادان نىعايتۋدى قاراستىرادى. سونداي-اق اباتتاندىرۋ جانە كوگالداندىرۋ جۇمىستارى جۇرگىزىلەدى»، دەلىنگەن جاۋاپتا.

سونداي-اق، ترامپليندەر مەن بوتانيكالىق باقتى كوپىرمەن قوسىپ، جاڭا فورماتتاعى اۋماق قۇرۋ جوسپارلانىپ وتىر. بۇل ماسەلەمەن قالالىق جوسپارلاۋ جانە ۋربانيستيكا باسقارماسى اينالىسادى. 

بۇعان دەيىن «سۇڭقار» شاڭعى ترامپليندەرىنىڭ جانىنداعى ەليتالىق تۇرعىن ءۇي كەشەنىنىڭ ۇستىندە كوشكىن پايدا بولاتىنى حابارلانعان بولاتىن. جەرگىلىكتى ساۋلەتشىنىڭ ايتۋىنشا، الماتىنىڭ تاۋ بوكتەرىندەگى توبەلەردە جىلجىمايتىن م ۇلىك سالۋعا مۇلدەم بولمايدى، ويتكەنى بۇل توبەلەر جىلجىمالى.

ەسكە سالايىق، سالىنعالى تۇرعان مۇنداي فۋتۋريستىك اربورەتۋمدار قىتايدا، ۇلىبريتانيادا جانە اۋستراليادا بار.

سونداي-اق، الماتىلىق دەندراري 2022 جىلعا دەيىن ءال-فارابي داڭعىلى ارقىلى بوتانيكالىق باق پەن جاڭا جاسىل كوپىردى قوسادى دەپ جوسپارلانىپ وتىر. الايدا الماتىلىقتاردىڭ بۇل تۋرالى پىكىرى ءبولىندى.

 

سوڭعى جاڭالىقتار

اقپاراتتىق حابارلاما

ەگەمەن قازاقستان • كەشە

دوللار تاعى دا ارزاندادى

ەكونوميكا • كەشە

ۇقساس جاڭالىقتار