شاعىن جانە ورتا بيزنەس – تۇراقتىلىق كەپىلى

قازاقستاندا 1,5 ملن-عا جۋىق ادام ۆاكتسينا الدى

دەنساۋلىق ساقتاۋ ءمينيسترى الەكسەي تسويدىڭ ايتۋىنشا, الەمدە COVID-19 بويىنشا سىرقاتتانۋشىلىق پەن ءولىم-ءجىتىم جاعدايى ءالى دە كۇردەلى. بۇگىندە الەمدە كۆي-ءدىڭ 153 ملن-نان استام جاع­دايى تىركەلگەن, تاۋلىگىنە 600 مىڭنان استام جاعداي تىركەلۋدە. 3 ملن-نان استام ادام قايتىس بولدى, ءولىم-ءجىتىم كورسەتكىشى –  2,1 %. «الەمدىك رەيتينگكە سايكەس, قازاق­ستان سىرقاتتانۋشىلىق كورسەتكىشى بويىن­شا 107-ورىندا, ال ءولىم كورسەتكىشى بويىنشا 108-ورىندا تۇر. قازاقستاندا 4 مامىرداعى جاعداي بويىنشا COVID-19 وڭ ناتيجەسىمەن 330 071 ناۋقاس جانە كۆي- ناتيجەسىمەن 53 093 جاعداي تىركەلدى», دەدى ا.تسوي.

جوعارى ەپيدەميالىق قاتەر ايما­عىندا 9 ايماق بار: نۇر-سۇلتان, ال­ماتى, شىمكەنت قالالارى, اقمولا, باتىس قازاقستان, جامبىل, قاراعاندى, قىزىل­وردا جانە پاۆلودار وبلىستارى. وتكەن اپتادا پاۆلودار جانە جامبىل وبلىستارى قىزىل ايماققا ءوتتى. 

بۇگىنگى تاڭدا ورتا ەپيدەميالىق قاتەر ايماعىندا 5 ءوڭىر بار: اقتوبە, اتى­راۋ, شىعىس قازاقستان, الماتى, ماڭ­عىستاۋ وبلىستارى. 3 ءوڭىر «جاسىل» اي­ماقتا. ولار – قوستاناي, تۇركىستان, سول­تۇستىك قازاقستان وبلىستارى.

سوڭعى ءۇش اپتا ىشىندە سىرقات­تا­نۋ­شىلىق ديناميكاسى ءىس جۇزىندە ءبىر دەڭگەيدە ساقتالىپ وتىر. وتكەن اپتادا سىرقات­تا­نۋشىلىقتىڭ 2%-عا تومەندەگەنى بايقا­لادى, ءولىم-ءجىتىم كورسەتكىشى وتكەن اپتا دەڭگەيىندە ساقتالىپ وتىر. بيىل 4 ما­مىرداعى جاعداي بويىنشا رەسپۋب­ليكادا ينفەكتسيالىق ورىندار­دىڭ جۇكتەمەسى 42% (15 517 توسەكتىك ورىن), رەاني­ماتسيالىق توسەكتىك ورىندار­دىڭ جۇكتەمەسى 28%-دى (962 توسەكتىك ورىن) قۇرايدى. ينفەكتسيالىق توسەكتىك ورىن­داردىڭ جوعارى جۇكتەمەسى نۇر-سۇلتان قالاسىندا – 60%, الماتى قالاسىندا – 57%, قىزىلوردا وبلىسىندا – 59%, الما­تى وبلىسىندا – 56%, رەانيماتسيالىق توسەكتىك ورىنداردىڭ جوعارى جۇكتەمەسى نۇر-سۇلتان قالاسىندا جانە باتىس قازاقستان وبلىسىندا 62%, الماتى قالاسىندا – 52%.

بۇگىنگى تاڭدا قازاقستاندا ۆاكتسينالاۋ ءۇشىن ءۇش ۆاكتسينا قولجەتىمدى. بۇل سپۋتنيك V, QazVac جانە Hayat-Vax ۆاكتسينالارى. شامامەن 1,5 ملن ادام نەمەسە ۆاكتسينالاۋعا جاتاتىن حالىقتىڭ 15%-ى ەگىلدى. ۆاكتسينا الۋ قارقىنى ءار ازاماتتىڭ تۋىستارى مەن جاقىندارىنىڭ دەنساۋلىعىنا قامقورلىق تانىتۋداعى سانالى كوزقاراسىنا بايلانىستى.

ۆاكتسينانى جەتكىزۋ جوسپارعا سايكەس جۇزەگە اسىرىلادى, اقپان ايىنان باستاپ ءساۋىر ايىنىڭ سوڭىنا دەيىن 2,3 ملن دوزا ۆاكتسينا جەتكىزىلدى, بۇل ۆاكتسينالاۋعا جاتاتىن حالىقتىڭ 20%-ىنا قولجەتىمدىلىكتى قامتاماسىز ەتۋگە مۇمكىندىك بەرەدى. «ۆاكتسينالاۋ قار­قىندى ءجۇرىپ جاتقانىن اتاپ وتكىم كەلەدى, مىسالى, 1 ساۋىرمەن سالىس­تىرعاندا ءبىرىنشى جانە ەكىنشى دوزاسىن العاندار تاۋلىگىنە 12 ەسە, ياعني تاۋلىگىنە 11 مىڭنان 135 مىڭ ادامعا دەيىن ءوستى. بۇل رەتتە 11 مىڭ مەديتسينا قىزمەتكەرى, 1 مىڭنان استام ستاتسيونارلىق ەگۋ پۋنكتتەرى جانە 400 جىلجىمالى پۋنكت جۇمىلدىرىلدى. ۆاكتسينالاۋ پۋنكتتەرى 2 اۋىسىمدا ساعات 24.00-گە دەيىن جانە دەمالىس كۇندەرى جۇمىس ىستەيدى», دەدى ۆەدومستۆو باسشىسى. 

ۆاكتسينالاۋ ناۋقانى باستالعان سات­تەن باستاپ قازاقستاندا كۆي-گە قارسى ۆاك­تسي­نانىڭ 1,8 ملن-عا جۋىق دوزاسى قول­دانىلدى. سونىمەن قاتار وڭىرلەردىڭ اكىم­دەرى قازىر اۋىل تۇرعىندارىن ۆاكتسينالاۋعا نازار اۋدارۋى قاجەت, وسى ماقساتتا جىل­جى­مالى مەديتسينالىق كەشەندەردىڭ مۇم­ك­ىندىكتەرىن بارىنشا بەلسەندى پايدالانۋ كەرەك.

مينيسترلىك الەۋمەتتىك-ەكونومي­كالىق نىسانداردىڭ جۇمىسىن شەكتەۋ كري­تە­ريلەرىن قايتا قارادى, ونىڭ ىشىندە اشىق اسپان استىندا قىزمەت ەتەتىن نىساندار ءۇشىن, سپورتتىق ءىس-شارالار وتكىزۋدە, بالا­لاردى ساۋىق­تىرۋ ۇيىمدارىنىڭ قىز­مەتىندە ۋاقىت بويىنشا بىرقاتار شەك­تەۋ­لەردى الىپ تاستاۋ,  جەڭىلدىكتەر بەرۋ بار.

ا.تسويدىڭ ايتۋىنشا, كۆي-عا قار­سى ۆاكتسينالانعاندار سانىنىڭ بىرتىن­دەپ ارتۋىنا جانە باس مەملەكەتتىك سانيتارلىق دارىگەرىنىڭ قاۋلىسىنا بايلانىستى كۆي-عا قارسى ۆاكتسينالاۋدىڭ تولىق كۋرسىنان وتكەن ادامدار ءۇشىن بىرقاتار شەكتەۋلەر الىنىپ تاستالدى. سونىمەن COVID-19-عا قارسى ۆاكتسينالاۋدىڭ تولىق كۋرسىنان وتكەن جاعدايدا اۋرۋحاناعا جاتقىزۋدىڭ كەز كەلگەن تۇرىندە, ۇيىمداسقان ۇجىمدارعا بارعاندا, ۆاحتا جۇمىسشىلارىنا, دەمالىستان, ءىسساپاردان كەيىن مەديتسينالىق قىزمەتكەرلەرگە, اۋىرىپ قالۋىنا بايلانىستى جۇمىس ورنىندا بولماعان كەزدە, مەديتسينالىق جوو-لار مەن كول­لەدج­دەردىڭ ستۋدەنتتەرىنە جانە ت.ب. پتر تەستى قاجەت ەمەس. CوVID-19 راستالعان جاع­دايدا ولارمەن بايلانىستا بولعاندار وقشاۋلانبايدى, بىراق مەديتسينالىق باقىلاۋمەن قامتاماسىز ەتىلەدى; كەڭسە ۇيىمدارىنىڭ قىز­مەت­كەرلەرى قاشىقتان جۇمىس ىستەۋ فورماتىنا اۋىسپايدى.

سونداي-اق 26 ساۋىردەن «Ashyq» باعدارلاماسى بارلىق وڭىردە قولدانىلا باستادى, وعان 3 مىڭعا جۋىق قاتىسۋشى, 650 مىڭ پايدالانۋشى تىركەلدى, شامامەن 900 كۆي ناۋقاس جانە ولارمەن بايلانىستا بولعان 700 تۇلعا انىقتالدى. «كۇن سايىن تاۋلىگىنە 400 مىڭعا دەيىن جاعداي تىركەلىپ وتىرعان ۇندىستانداعى كوروناۆيرۋس ينفەكتسياسى بويىنشا ەپيدەميالىق جاعدايدىڭ ناشارلاۋىن ەسكەرە وتىرىپ, ءۇندىستان اۋماعىندا تارالعان شتامنىڭ اكەلىنۋىنىڭ الدىن الۋ بويىنشا قوسىمشا شارالار قابىلداندى. ماسەلەن, قازاقستان رەسپۋبليكاسىنا كەلگەن جانە سوڭعى 14 كۇن ىشىندە ۇندىستانعا بارعان ادام­دار پتر ادىسىمەن COVID-19-عا انىق­تاماسىنىڭ جانە COVID-19-عا قارسى ۆاكتسينالانۋىنا قاراماستان, 14 كۇنگە ۇيدە وقشاۋلانۋى ء(ۇي كارانتينى) ءتيىس», دەپ تۇيىندەدى ا.تسوي. 

حالىقتى ۆاكتسينالاۋ قارقىنىن ارتتىرۋ قاجەت 

ماسەلەنى ۇكىمەت باسشىسى اسقار مامين قورىتىندىلادى. ونىڭ ايتۋىن­شا, قازىرگى تاڭدا اۋرۋ ءوسىمىنىڭ تۇراق­تانۋ ءۇردىسى بايقالادى. ۆيرۋستىڭ رەپرو­دۋكتيۆتى يندەكسى ازداپ تومەندەپ, 0,98 قۇرادى. اۋرۋحانا توسەكتەرىنىڭ جۇكتە­لۋى 42%, رەانيماتسيالىق توسەكتىك ورىن­دار­دىڭ جۇكتەلۋى 28% قۇرايدى. 9 ءوڭىر «قىزىل ايماقتا» تۇر: نۇر-سۇلتان, الما­تى جانە شىمكەنت قالالارى, باتىس قا­زاق­ستان, اقمولا, قاراعاندى, قىزىلوردا, پاۆ­لودار جانە جامبىل وبلىستارى. وڭىر­لەرگە 2,3 ملن-نان استام ۆاكتسينا جەت­كىزىلدى. 1,5 ملن-عا جۋىق ادام ۆاكتسي­نانىڭ ءبىرىنشى كومپونەنتىن جانە 350 مىڭ ادام ەكىنشى كومپونەنتىن الدى. بۇل ۆاكتسينالاۋعا جاتاتىن حالىقتىڭ 15%-ى. قويمالاردا ۆاكتسينالاردىڭ جەت­كىلىكتى قورى بار. «ۆاكتسينالاۋدىڭ وسى قارقىنىن تومەندەتپەي, ونى تەك ءوسىرۋ كەرەك. حالىقتىڭ كوروناۆيرۋسقا قارسى ۆاكتسيناعا قاجەتتىلىگىن بارىنشا قام­تاماسىز ەتىپ, پاندەميا دەڭگەيىن تومەن­دەتۋ ءۇشىن بارلىق شارالار ىسكە اسىرىلۋدا. اۋىل تۇرعىندارىنا ۆاكتسينا سالۋعا ەرەكشە نازار اۋدارۋ كەرەك», دەدى ا.مامين.

پرەمەر-مينيستر ۆاكتسينا العاندار سانىنىڭ ارتۋىنا قاراماستان, ازاماتتار بەلگىلەنگەن سانيتارلىق نورمالاردى ءارى قاراي دا قاتاڭ ساقتاۋى ءتيىس ەكەنىن اتاپ ءوتتى. ۇكىمەت باسشىسى دەنساۋلىق ساقتاۋ مينيسترلىگىنە اكىمدىكتەرمەن بىرلەسىپ, كوشپەلى ۆاكتسينالاۋ پۋنكتتەرىن قولدانۋدى كەڭەيتە وتىرىپ, اۋىل تۇرعىندارىن بارىنشا ۆاكتسينالاۋدى قامتاماسىز ەتۋدى تاپسىردى. «مامىردا 2 ملن-نان استام ادامدى ۆاكتسينامەن قامتاماسىز ەتۋ جوسپارى ورىندالۋى ءتيىس. الەۋمەتتىك-ەكونوميكالىق وبەكتىلەردىڭ جۇمىسىن شەكتەۋدىڭ جاڭا كريتەريلەرىن, سونداي-اق ۆاكتسينا العاندارعا جەڭىلدىكتەردى ەنگىزۋدى باقىلاۋ كەرەك. بۇل, اسىرەسە, قىزمەت كور­سەتۋ سالاسىندا بيزنەستى جانداندىرۋعا مۇم­كىندىك بەرەدى», دەدى ا.مامين.

اقپارات جانە قوعامدىق دامۋ مينيس­تر­­لىگىنە دەنساۋلىق ساقتاۋ مينيستر­لىگىمەن, اكىمدىكتەرمەن بىرلەسىپ, ۆاكتسينالاۋ, قازاق­ستاندا قولدانىلاتىن بارلىق ۆاكتسي­نالاردىڭ قاۋىپسىزدىگى, ولاردى تاڭداۋ مۇمكىندىگى, سونداي-اق شەكتەۋ شارالارى تۋرالى ءتۇسىندىرۋ جۇمىستارىن ارتتىرۋ تاپسىرىلدى.

24 مىڭنان استام كاسىپكەرلىك سۋبەكتىسىنە نەسيە بەرىلەدى  

ۇكىمەت وتىرىسىندا شاعىن جانە ورتا بيزنەستى قولداۋ شارالارى قا­رالدى. ۇلتتىق ەكونوميكا ءمينيسترى اسەت ەرعا­ليەۆ, «اتامەكەن» ۇكپ تور­اعاسى ابىلاي مىرزاحمەتوۆ, «دا­مۋ» كاسىپكەرلىكتى دامىتۋ قورىنىڭ باس­قار­ما توراعاسى گاۋحار بورىباەۆا بايانداما جاسادى.

ۇلتتىق ەكونوميكا ءمينيسترى ءا.ەرعا­ليەۆتىڭ ايتۋىنشا, پاندەميا جانە جالعاسىپ جاتقان شەكتەۋلەر جاعدايىندا كاسىپكەرلەر قىزمەتى ءۇشىن شاعىن جانە ورتا بيزنەستى قولداۋ ەرەكشە وزەكتىلىككە يە بولىپ وتىر. «2020 جىلدىڭ 3 توقسانىندا ەكونوميكاداعى شاعىن جانە ورتا بيزنەستىڭ ۇلەسى 30,5%-عا جەتتى. شاعىن جانە ورتا بيزنەس سۋبەكتىلەرىمەن 2020 جىلى 32,7 ترلن تەڭگەگە ءونىم شىعارىلدى. وسى جىل­دىڭ 1 قاڭتارىندا شوب-تا جۇمىسپەن قام­تىل­عانداردىڭ سانى 3,4 ملن ادامدى قۇ­رادى», دەدى ۇلتتىق ەكونوميكا ءمينيسترى. 

ىسكەرلىك احۋالدى جاقسارتۋ بويىنشا قابىلدانعان رەفورمالار قازاقستانعا 2019 جىلى Doing Business رەيتينگىندە 25 ورىنعا كوتەرىلۋگە مۇمكىندىك بەردى. بيىل شاعىن جانە ورتا بيزنەستى جەڭىلدىكپەن نەسيەلەندىرۋ جۇمىستارى جالعاسۋدا. وسى جىلدىڭ ءبىرىنشى توقسانىندا 663 ملرد تەڭگە سوماسىنا 16 مىڭنان استام جوبا جەڭىلدەتىلگەن قارجىلاندىرۋ الدى. جىل قورىتىندىسى بويىنشا 2,5 ترلن تەڭگەگە جەڭىلدەتىلگەن نەسيەمەن 47 مىڭنان استام جوبا قامتاماسىز ەتىلەدى.

ەكونوميكانىڭ زارداپ شەككەن سەكتور­لارىنداعى شاعىن جانە ورتا بيزنەس كرە­ديتتەرىن قايتا قارجىلاندىرۋ شەڭبەرىندە قولداۋ كورسەتىلۋدە. 2020 جىلعى 15 ناۋرىز بەن 2021 جىلعى 15 ناۋرىز ارالىعىندا 475 ملرد تەڭگە سوماسىنا 9 مىڭعا جۋىق جوبانى قايتا قارجىلاندىرۋ ءۇشىن سۋبسيديالار بەرىلدى. بيىل اتالعان تىزبە 145 ەكونوميكالىق قىزمەت تۇرلەرىنىڭ جالپى جىكتەۋىشىنە كەڭەيتىلدى. كەڭەيتىلگەن تىزبە بويىنشا سۋبسيديالار 132 ملرد تەڭگە كرەديتتىك پورتفەل سوماسىنا 2 مىڭ جوبا بويىنشا تولەنەدى.

«بيىلعى جىلدىڭ 1 ساۋىرىندە مەم­لەكەت باسشىسى ەكونوميكانىڭ زارداپ شەككەن سەكتورلارىندا نەسيەلەردى جەڭىل­دەتىلگەن تۇردە قايتا قارجىلاندىرۋ, مەرزىمىن 1 شىلدەگە دەيىن ۇزارتۋدى تاپسىردى. وسى جۇمىس اياسىندا 93 ەكونوميكالىق قىزمەت تۇرلەرىنىڭ جالپى جىكتەۋىشى انىقتالدى. 425,5 ملرد تەڭگە نەسيە سوماسىنا 6,7 مىڭنان استام جوبانى قامتۋ جوسپارلانۋدا», دەدى ءا.ەرعاليەۆ.

وسى جىلدىڭ 1 توقسانىنىڭ قورى­تىندىسى بويىنشا «بيزنەستىڭ جول كارتاسى – 2025» جانە «قاراپايىم زاتتار ەكونوميكاسى» باعدارلامالارى شەڭبەرىندە كرەديتتەردىڭ 232 ملرد تەڭگە جالپى سوماسىنا 5 884 جوبا سۋبسيديالاندى, 87 ملرد تەڭگە نەسيە سوماسىنا 6 892 جوبا بويىنشا كەپىلدىك بەرىلدى. اگرارلىق نەسيە كورپوراتسياسى اياسىندا 5,9 ملرد تەڭگە نەسيە سوماسىنا 134 جوباعا قولداۋ كورسەتىلدى.

وتكەن جىلى «بيزنەستىڭ جول كارتاسى – 2025» باعدارلاماسى اياسىندا بيزنەستى ميكروكرەديتتەۋ جاڭا باعىتى باستالدى. وسى باعىت شەڭبەرىندە اينالىم قاراجاتىنا 5 ملن-عا دەيىن جانە ينۆەس­تيتسيالىق ماقساتتارعا 20 ملن تەڭگەگە دەيىن كرەديتتەر بەرىلەدى. بۇل رەتتە, 5 ملن تەڭگەگە دەيىنگى قارىز­داردىڭ باسىم بولىگى سوڭعى قارىز الۋشى ءۇشىن 6% مولشەرلەمە بويىنشا كەپىل­سىز نەگىزدە بەرىلەدى.

بيىل جىل قورىتىندىسى بويىنشا اتالعان باعدارلامالار شەڭبەرىندە 24 مىڭنان استام كاسىپكەرلىك سۋبەكتىلەرىن شاعىن نەسيەلەۋمەن قامتۋ جوسپارلانۋدا.

ماسەلەنى ۇكىمەت باسشىسى اسقار مامين قورىتىندىلادى. «شاعىن جانە ورتا بيزنەستى دامىتۋ – ەكونوميكانىڭ تۇراق­تىلىعىن قامتاماسىز ەتۋدىڭ ماڭىز­دى فاكتورلارىنىڭ ءبىرى. بيز­نەس­تىڭ قارقىندى دامۋىنا بارىنشا قولايلى جاعداي جاساۋ ءۇشىن اۋقىمدى كونسترۋكتيۆتى جۇمىس جۇرگىزىلىپ جاتىر. سونىمەن قاتار پاندەميا ءوز تۇزەتۋلەرىن ەنگىزدى, شەكتەۋ­لەردەن شاعىن جانە ورتا بيزنەس زارداپ شەكتى», دەدى ول.

پرەمەر-مينيستر ۇكىمەت تۇراقتى تۇردە «اتامەكەن» ۇكپ-مەن جانە وڭىرلىك كاسىپكەرلەر كەڭەستەرىمەن بىرگە بيزنەستى اسا تولعاندىراتىن ماسەلەلەردى جەدەل قاراپ, ولار بويىنشا ءتيىستى شەشىمدەر قابىلدايتىنىن اتاپ ءوتتى. اتقارىلعان جۇمىس ناتيجەسىندە قىزمەتىنە شەكتەۋ­لەر اسەر ەتەتىن شوب سۋبەكتىلەرىن قولداۋدىڭ 60-تان استام قوسىمشا شارالارى قاراستىرىلعان 2021 جىلعا ارنالعان ەكونوميكالىق ءوسىمدى قالپىنا كەلتىرۋ جونىندەگى كەشەندى جوسپار وزەكتەندىرىلدى. ءبىرىنشى كەزەكتە بۇل شارالار بىرقاتار سالىقتىق جەڭىلدىكتەر تۇرعىسىنان بيزنەسكە جۇكتەمەنى ازايتۋعا جانە سالىقتىق اكىمشىلەندىرۋدى جەڭىلدەتۋگە, جەڭىلدىكتى قار­جىلاندىرۋعا قولجەتىمدىلىكتى كەڭەي­تۋگە, مەملەكەتتىك ساتىپ الۋعا قولجەتىم­دىلىكتى وڭايلاتۋعا, سونداي-اق كاسىپ­كەرلىك قىزمەتتى قايتا رەتتەۋگە قاتىستى.

بيىل شوب-تىڭ قارجىلاندىرۋعا قولجەتىمدىلىگىن كەڭەيتۋ اياسىندا شامامەن 47 مىڭ جوبانى قامتي وتىرىپ, 2,5 ترلن تەڭگەدەن استام جەڭىلدىكتى نەسيە بەرىلەدى. كاسىپكەرلىكتى قولداۋ باعدارلامالارى بو­يىنشا بيزنەس وتىنىمدەرىن قاراۋ مەرزىمدەرىن 21-دەن 5 جۇمىس كۇنىنە دەيىن قىسقارتۋ بو­يىنشا جۇمىس جۇرگىزىلدى. سۋبسيديالاۋ جانە نەسيەلەردى كەپىلدەندىرۋ اياسىندا مەملەكەتتىك قىزمەتتەردى تسيفرلاندىرۋ بيىل 97%-عا دەيىن ۇلعايدى.

2021 جىلعى 1 ءساۋىر مەن 1 شىلدە ارا­لىعىندا شوب سۋبەكتىلەرى ءۇشىن ەڭبەكاقى تولەۋ قورىنان بارلىق سالىقتاردى تولەۋ­دى كەيىنگە قالدىرۋ مۇمكىندىگى بەرىلدى. بۇل بيزنەسكە شامامەن 200 ملرد تەڭگەنى ساقتاۋعا مۇمكىندىك بەردى.

شوب سۋبەكتىلەرىنىڭ سالىقتىق جانە كەدەندىك بەرەشەگىن ماجبۇرلەپ ءوندىرىپ الۋ 2021 جىلعى 1 شىلدەگە دەيىن توقتاتىلدى. بۇل بيزنەسكە اينالىم كاپيتالى ءۇشىن 279 ملرد تەڭگەنى بوساتۋعا كومەكتەسەدى.

ەكىنشى دەڭگەيلى بانكتەردەگى كرەديت­تەر بويىنشا تولەمدەردى 2021 جىلعى 1 شىلدەگە دەيىن كەيىنگە قالدىرۋ جونىن­دە شارالار قابىلداندى. كەيىنگە قالدى­رىلعان تولەمدەر كولەمى 750 ملرد تەڭگەنى قۇرايدى.

ء«بىزدىڭ قازىرگى مىندەتىمىز – كاسىپ­كەر­لەرگە بيزنەستى دامىتۋعا قولداۋ كورسەتۋ. قابىلدانىپ جاتقان شارالار بيىل ەكونوميكا ءوسىمى قۇرىلىمىندا 0,8 پايىزدىق تارماققا دەيىن قالىپ­تاس­تىرۋعا مۇمكىندىك بەرەدى», دەدى ا.مامين.

ۇكىمەت باسشىسى ەكونوميكالىق ءوسىمدى قالپىنا كەلتىرۋ جونىندەگى وزەك­تەن­دىرىلگەن كەشەندى جوسپاردىڭ ۋاق­تىلى ورىندالۋىن, بيزنەستى سالىقتىق ىن­تالاندىرۋ بويىنشا زاڭنامالىق تۇزەتۋلەر پاكەتىن قابىلداۋدى جانە 2021 جىلعى 1 ماۋسىمعا دەيىن پارلامەنتتە ءتيىستى جۇمىس جۇرگىزۋدى تاپسىردى. مەملەكەتتىك ورگاندارعا, اكىمدىكتەرگە, «دامۋ» قورىنا «اتامەكەن» ۇكپ-مەن بىرلەسىپ, بيزنەستىڭ بارلىق قولداۋ تۇرلەرىن الۋ جونىندەگى وتىنىمدەرىن قىسقا مەرزىمدە قاراۋ مىندەتتەلدى.