ەلوردانىڭ مەكتەپتەرىندە 6 مامىرعا دەيىن وتان قورعاۋشىلار كۇنى مەن ۇلى جەڭىس كۇنىنە ارنالعان سىنىپ ساعاتتارى مەن كۋراتورلىق ساعاتتارى, اسكەري-پاتريوتتىق تاربيەدەگى اندەردىڭ ونلاين بايقاۋى وتەدى. ونلاين شارالاردى Instagram جەلىسىندەگى @astana_jastary جانە @jas_sarbaz_nursultan پاراقشالارىنان كورۋگە بولادى.
ەلوردانىڭ ء«بىلىم-يننوۆاتسيا» ليتسەي-ينتەرناتى» 5 مامىر كۇنى مەرەكەگە وراي ء«بىر ۇزىك سىر» سۇحباتىن وتكىزەدى. سىر-سۇحباتتى ءبىلىم مەكەمەسىنىڭ Instagram جەلىسىندەگى رەسمي پاراقشاسىنان تاماشالاۋعا بولادى.
№4 قالالىق ەمحانادا ۇلى وتان سوعىسى ارداگەرلەرى مەن وعان تەڭەلگەن تۇلعالارعا ارناپ مەديتسينالىق تەكسەرۋ ۇيىمداستىرىلادى. ال №2 قالالىق ەمحانا ۇلى وتان سوعىسىنىڭ ارداگەرلەرىنە ارنالعان ءۇي كۇتىمى جونىندەگى دارىگەرلەر كەڭەسىن وتكىزەدى. بۇل شارالار 6 مامىرعا دەيىن جالعاسادى.
«ساياسي قۋعىن-سۇرگىن جانە توتاليتاريزم قۇرباندارىنىڭ «الجير» مەموريالدى-مۇراجاي كەشەنى «مالينوۆكا» ىزدەۋ كلۋبىمەن بىرلەسىپ, 5 مامىر كۇنى تىل ارداگەرلەرىمەن, «اۋعان سوعىسىنىڭ ارداگەرلەرى مەن مۇگەدەكتەرى» قب وكىلدەرىمەن, سونداي-اق «ەرلىككە تاعزىم, ارداگەرگە – قۇرمەت» اسكەري قىزمەتشىلەرىمەن كەزدەسۋ وتكىزەدى.
سونىمەن قاتار 5-10 مامىر ارالىعىندا ۇلى وتان سوعىسىنىڭ جاۋىنگەرلەرىنە ارنالعان مونۋمەنتالدى كەشەنگە, «وتان قورعاۋشىلار» مەموريالدىق كەشەنىنە, م.مامەتوۆا, ب.مومىش ۇلى ەسكەرتكىشتەرىنە ونلاين ەكسكۋرسيا جۇرگىزىلەدى. تولىق مالىمەتتەردى مادەنيەت باسقارماسىنان, بىرىككەن مۇراجايلار ديرەكتسياسىنان, تاريحي-مادەني مۇرانى ساقتاۋ ورتالىعىنان الۋعا بولادى.
7 مامىر – وتان قورعاۋشىلار كۇنى «اقيقات پەن اڭىز» كونتسەرت-سپەكتالىن «قازاقستان» تەلەارناسى ۇسىنادى.
وتان قورعاۋشىلار كۇنىنە وراي «ANK Live» ستۋدياسىنىڭ تىكەلەي ەفيرى قر قورعانىس مينيسترلىگىنىڭ وكىلدەرىمەن وتەتىن ءىس-شارانى ۇسىنادى. ونلاين شارانى Facebook, Instagram الەۋمەتتىك جەلىلەرىنەن كورۋگە بولادى.
نۇر-سۇلتان قالاسى فيلارمونياسى وركەسترىنىڭ قاتىسۋىمەن 8 مامىر كۇنى 22 ۇوس ارداگەرىنە ارناپ جىلجىمالى كونتسەرت ۇيىمداستىرىلادى. سول كۇنى «Jas sarbaz» اسكەري-پاتريوتتىق جوباسى اياسىندا ارداگەرلەرگە ازىق-ت ۇلىك سەبەتتەرى تابىس ەتىلەدى.
ال 9 مامىر – ۇلى جەڭىس كۇنىنە وراي ەلوردا كوشەلەرىندە «جەڭىس جولدارىمەن» ءموبيلدى ءىس-شاراسى وتەدى. ءدال وسى كۇنى «حابار» تەلەارناسىندا «ەر ەسىمى – ەل ەسىندە» كونتسەرتى جۇرتشىلىق نازارىنا ۇسىنىلاتىنىن ەسكە سالا كەتەيىك.
ايتا كەتەيىك, ەلورداداعى ءىس-شارالاردىڭ ءبارى سانيتارلىق نورمالاردى تولىقتاي ساقتاي وتىرىپ وتەدى.
