ايماقتار • 04 مامىر، 2021

قوستانايدا دارىگەر سوققىعا جىعىلدى

22 رەت كورسەتىلدى

قوستانايدا دارىگەردى سوققىعا جىققان ەر ادامعا قاتىستى سوتقا دەيىنگى تەرگەۋ باستالدى، دەپ حابارلايدى Egemen.kz

وبلىستىق پوليتسيا دەپارتامەنتىنىڭ مالىمەتىنشە، 3 مامىردا تۇنگى ۋاقىت  23:50-دە قالالىق اۋرۋحانانىڭ جاراقات بولىمىنە بىلەگىنەن اشىق جاراقات العان 26 جاستاعى قوستاناي تۇرعىنى كەلىپ تۇسكەن. تەكسەرىس بارىسىندا الگى ازامات كۇش كورسەتىپ، دارىگەردى سوققىعا جىعىپ، دەنە جاراقاتىن سالعان. بۇزاقى پوليتسيا جەتكەنشە بوي تاسالاپ ۇلگەرگەن.

«قازىر پوليتسيا اتالمىش تۇرعىننىڭ ادام دەنساۋلىعىنا قاساقانا زيان كەلتىرگەنى ءۇشىن قر قك 107-بابى بويىنشا سوتقا دەيىنگى تەرگەۋ امالدارىن جۇرگىزىپ جاتىر. كۇدىكتىنى ۇستاۋ تۋرالى شەشىم قابىلداندى»، دەپ حابارلادى وبلىستىق پد-ءنىڭ ءباسپاسوز قىزمەتى.

 

قوستاناي وبلىسى

سوڭعى جاڭالىقتار

ۇقساس جاڭالىقتار