جانۋارلارعا مەيىرىممەن قاراۋدى قالىپتاستىرۋعا باعىتتالعان «Birgemiz: اyala» جوباسى نەگىزىندە ەرىكتىلەر ءۇشىن شاعىن گرانتتار كونكۋرسى اشىلدى.
بايقاۋدىڭ ماقساتى – ۆولونتەرلىك باستامالاردى جانە جانۋارلارعا جاۋاپكەرشىلىكپەن قاراۋدى قالىپتاستىرۋ جونىندەگى جوبالاردى دامىتۋعا, ۆولونتەرلەردىڭ جەكە باستامالارىن قولداۋعا باعىتتالعان كونكۋرستى ۇيىمداستىرۋ جانە 5 شاعىن گرانت ء(اربىر جوباعا 500 مىڭ تەڭگە) ءبولۋ. شاعىن گرانتتار كونكۋرسىنا قاتىسۋعا قازاقستان رەسپۋبليكاسىنىڭ باستاماشىل توپتارى مەن ۇكىمەتتىك ەمەس ۇيىمدارى قاتىسا الادى.
وعان ەلىمىزدىڭ بارلىق وڭىرلەرىنىڭ تۇرعىندارى قاتىسا الادى, الايدا جوبا نۇر-سۇلتان قالاسىنىڭ اۋماعىندا جۇزەگە اسىرىلادى. بايقاۋ ەرەجەسىن @league_volunteers جانە @birgemiz Instagram پروفيلدەرىنەن تابۋعا بولادى. شاعىن گرانتتار بەرۋگە ارنالعان كونكۋرس كەلەسى 5 تاقىرىپ بويىنشا جاريالانادى:
- بالالار مەن جاسوسپىرىمدەر اراسىندا ادامگەرشىلىك قارىم-قاتىناستى قالىپتاستىرۋ بويىنشا اكتسيالار.
- جانۋارلارعا قارىم-قاتىناس مادەنيەتىن وزگەرتۋگە باعىتتالعان فلەشموب.
- قوعامدىق نازار اۋدارۋ بويىنشا جانۋارلاردىڭ فوتوكورمەسى.
- تەگىن ۆەتەريناريالىق قىزمەت كورسەتۋ.
- جانۋارلارعا جاۋاپكەرشىلىكپەن قاراۋدى قالىپتاستىرۋعا باعىتتالعان الەۋمەتتىك بەينەروليكتەر.
كونكۋرس 2021 جىلدىڭ 29 ءساۋىر جانە 25 مامىر ارالىعىندا وتكىزىلەدى. ءبىر تاقىرىپ بويىنشا ءبىر ءوتىنىم بەرۋشىدەن 1 (بىردەن) ارتىق ءوتىنىم بەرۋگە جول بەرىلمەيدى. جانۋارلارعا جاۋاپكەرشىلىكپەن قاراۋدى قالىپتاستىرۋعا باعىتتالعان «Birgemiz: Ayala» جوباسى ازاماتتىق باستامالاردى قولداۋ ورتالىعى مەملەكەتتىك گرانتى شەڭبەرىندە ىسكە اسىرىلادى.
