ەلوردا • 03 مامىر، 2021

نۇر-سۇلتاندا سۋبۇرقاقتار ىسكە قوسىلدى

178 رەت كورسەتىلدى

نۇر-سۇلتان قالاسىندا مامىر ايىنىڭ باسىنان باستاپ سۋبۇرقاقتار ىسكە قوسىلدى، دەپ حابارلايدى Egemen.kz ەلوردا اكىمدىگىنە سىلتەمە جاساپ.

ەسىل اۋدانىندا 48 سۋبۇرقاقتان تۇراتىن 25 فونتان كەشەنى ورنالاسقان. سونىڭ تورتەۋى – مۋزىكالىق («نۇرجول» جەلەكجولى، ەحرو-2017، بوتانيكالىق باق، «جەتىسۋ» ساياباعى). وتكەن جىلى «نۇرجول» جەلەكجولىنداعى وسىنداي سۋبۇرقاقتاردىڭ بىرىندە رەپەرتۋار جاڭارتىلدى. ەندى ول جەردە باتىرحان شۇكەنوۆتىڭ، ديماش قۇدايبەرگەننىڭ اندەرى، اباي قۇنانباي ۇلىنىڭ «كوزىمنىڭ قاراسى» سەكىلدى وزگە دە اندەر شىرقالادى.

«ەسىل وزەنىنىڭ جاعاسىنداعى ساياباقتى 2020 جىلى جوندەۋ بارىسىندا ءۇش سۋبۇرقاقتىڭ اپاتتى جاعدايدا (2005 جىلى سالىنعان) ەكەنى انىقتالدى. قازىر تۇرعىنداردىڭ ءوتىنىشى بويىنشا ەسكى سۋبۇرقاقتاردىڭ ورنىنا 4 جاڭا كۇردەلى ينجەنەرلىك قۇرىلىستار ورناتىلدى. وندا باكتەريالاردى، ۆيرۋستاردى جانە باسقا دا ورگانيزمدەردى ۋلتراكۇلگىن ساۋلەلەنۋ ارقىلى ولتىرەتىن زاماناۋي سۋ تازارتۋ جۇيەسى بىرگە ورناتىلدى. ورتالىق سۋبۇرقاقتا 112 شامنان تۇراتىن جارىق-ديناميكالىق جارىعى بار، سونىمەن قاتار 56 سۋ اعىنى 1،5 مەتر دەڭگەيىندە جوعارى كوتەرىلەدى. سۋبۇرقاق بيىكتىگى 1 مەترگە دەيىن جاساندى تۇمان جاساۋ فۋنكتسياسى بار، ول سۋبۇرقاقتىڭ توستاعانىنا تىكەلەي ورناتىلعان 56 ساپتاما ارقىلى جۇزەگە اسىرىلادى. جاز مەزگىلىندە مۇنداي سۋبۇرقاق جاساندى تۇمان جاساۋ ەسەبىنەن ساياباققا كەلۋشىلەرگە جاعىمدى اسەر قالدىرادى»، دەپ اتاپ ءوتتى ەسىل اۋدانىنىڭ ءباسپاسوز قىزمەتى.

سونىمەن قاتار، بيىل قالانىڭ كوممۋنالدىق مەنشىگىنە «لينەينىي» ساياباعىندا ورنالاسقان 1 سۋبۇرقاق كەشەنىن بەرۋ جوسپارلانىپ وتىر.

سارىارقا اۋدانى اۋماعىندا 11 فونتان ىسكە قوسىلدى:

1) ماسكەۋ كوشەسىندەگى گۇلزار سۋبۇرقاعى;
2) ء«ومىر اعاشى» سۋبۇرقاعى;
3) «قازاق دراما تەاترى» سۋبۇرقاعى;
4) «اينالمالى شار» سۋبۇرقاعى;
5) ء«اليا مولداعۇلوۆا ەسكەرتكىشى» سۋبۇرقاعى;
6) اباي داڭعىلى مەن جەلتوقسان كوشەسىنىڭ قيىلىسىنداعى سۋبۇرقاق;
7) «جاستار تەاترى» سۋبۇرقاعى;
8) «اتىراۋ» سۋبۇرقاعى;
9) «سيرەن» سۋبۇرقاعى;
10) جەڭىس داڭعىلىنداعى «اقجايىق» ساياباعىنىڭ سۋبۇرقاعى;
11) «حالىقتار دوستىعى» سۋبۇرقاعى.

ايتا كەتەرلىگى، «حالىقتار دوستىعى» جانە «قازاق دراما تەاترى» سۋبۇرقاقتارىندا جاڭعىرتۋ جۇمىستارى جۇرگىزىلىپ جاتىر.

الماتى اۋدانىندا 9 فونتان ىسكە قوسىلدى:

1. «پرەزيدەنتتىك ساياباق» سۋبۇرقاق كەشەنى;
2. «قازاق ەلى» سۋبۇرقاق كەشەنى;
3. «ازىرەت سۇلتان» سۋبۇرقاق كەشەنى;
4. وتان قورعاۋشىلار ەسكەرتكىشىندەگى سۋبۇرقاق كەشەنى;
5. ب. مومىش ۇلى داڭعىلىنداعى وقۋشىلار سارايىنىڭ سۋبۇرقاعى;
6. تاۋەلسىزدىك سارايى جانىنداعى سۋبۇرقاق كەشەنى;
7. ب. مومىش ۇلى ەسكەرتكىشى گۇلزارىنداعى سۋبۇرقاق;
8. «اق بۇلاق» سۋبۇرقاق;
9.«بەيبىتشىلىك جانە كەلىسىم» سارايىنىڭ جانىنداعى سۋبۇرقاق كەشەنى.

سونىمەن قاتار بايقوڭىر اۋدانىندا 4 سۋبۇرقاق ىسكە قوسىلدى. ولار رەسپۋبليكا داڭعىلى بويىنداعى «جاستار» سۋبۇرقاعى جانە «ەسىل» ساۋدا ءۇيى ماڭىنداعى «بۇلاق» سۋبۇرقاقتارى.

سوڭعى جاڭالىقتار

ۇقساس جاڭالىقتار