سپورت • 02 مامىر، 2021

قازاق كۇرەسىنەن «نۇر-سۇلتان بارىسى» انىقتالدى

77 رەت كورسەتىلدى

ەلوردادا قازاق كۇرەسىنەن «قازاقستان بارىسى» رەسپۋبليكالىق تۋرنيرىنە ىرىكتەۋى ماقساتىندا «نۇر-سۇلتان بارىسى» جارىسى ءوتتى، دەپ حابارلايدى Egemen.kz

كۇرەس«قازاق كۇرەسىنىڭ دامۋ تاريحى تەرەڭدە جاتىر. كەيىنگى ون جىلدا قازاق كۇرەسى ۇكىمەت تاراپىنان جاسالىپ جاتقان قولداۋدىڭ ارقاسىندا قاناتىن كەڭگە جايىپ، حالىقارالىق ارەناعا شىعىپ ۇلگەردى. ەلباسى نۇرسۇلتان نازارباەۆتىڭ: ء«تول سپورتىمىز – قازاق كۇرەسىن وليمپيالىق ويىندار دەڭگەيىنە دەيىن كوتەرۋگە كۇش سالۋىمىز كەرەك»، دەگەن تاپسىرماسى اياسىندا قارقىندى جۇمىس جۇرگىزىلىپ، بۇگىندە ۇلتتىق كۇرەسىمىز الەمنىڭ 50-60 مەملەكەتىندە تامىر جايىپ، دامىپ وتىر»،  دەدى قالا اكىمىنىڭ ورىنباسارى باقتيار ماكەن جارىس الدىندا.

شىلدە ايىندا ەلوردا تورىندە وتەتىن ءدۇبىرلى دودا - «قازاقستان بارىسى» تۋرينيرىنە جولدامانى بابى كەلىسكەن 26 بالۋان ساراپقا سالدى. تارتىسقا تولى بەلدەسۋلەر ناتيجەسىندە ولجاس شىنكەەۆ توپ جارىپ، التىن بەلبەۋدى يەلەندى. ەكىنشى ورىن ايبات سەيتەنگە بۇيىرسا، ۇزدىك ۇشتىكتى نۇربەك دوسمۇحانبەتوۆ قورىتىندىلادى.

جارىستىڭ التىن جانە كۇمىس جۇلدەسىنە يە بولعان قوس بالۋان «قازاقستان بارىسىندا» ەلوردانىڭ نامىسىن قورعايتىن بولادى.

سوڭعى جاڭالىقتار

تەڭىز تۇيسىگى

ونەر • كەشە

اڭشىلىق – اسىل ونەر

رۋحانيات • كەشە

ۇقساس جاڭالىقتار