اۋستراليانىڭ دەنساۋلىق ساقتاۋ ءمينيسترى گرەگ حانت مالىمدەمەگەندەي, بۇل شەشىم ۇندىستانداعى Covid-19 جاعدايىنىڭ ناشارلاۋىنا بايلانىستى ۇكىمەت جينالىسىنان كەيىن قابىلداندى.
تىيىم بارلىق ازاماتتارعا, سونىڭ ىشىندە اۋستراليالىقتارعا دا قاتىستى. مۇنى بۇزعان ازاماتتار 33-تەن 66 مىڭ اۋستراليالىق دوللارعا دەيىن (25,5-تەن 51 مىڭ دوللارعا دەيىن) ايىپپۇل تولەۋى نەمەسە بەس جىلعا دەيىن باس بوستاندىعىنان ايىرىلۋى مۇمكىن, دەدى مينيستر.
ۇكىمەت 15 مامىردا ۇندىستانداعى ەپيدەميولوگيالىق جاعدايعا بايلانىستى ونىڭ شەشىمىن قايتا قاراۋعا نيەتتى.
دجونس حوپكينس ۋنيۆەرسيتەتىنىڭ مالىمەتتەرى بويىنشا, بۇگىنگى تاڭدا اۋستراليادا كوروناۆيرۋس جۇقتىرعانداردىڭ جالپى سانى 29,8 مىڭ ادامدى قۇرايدى.
وسىعان دەيىن اۋستراليا پرەمەر-ءمينيسترى سكوتت مورريسون ۇندىستانمەن اۋە قاتىناسىن توقتاتا تۇرۋ كەرەكتىگىن ايتقان ەدى. كوپتەگەن ەلدەردىڭ بيلىگى دە وسىنداي شارالار قابىلداۋعا ءماجبۇر. اتاپ ايتقاندا, ۇلىبريتانيا ءۇندىستاندى ەڭ قاۋىپتى ەلدەردىڭ قاتارىنا قوستى, اۋە قاتىناسىن شەكتەدى جانە بارلىق كەلۋشىلەرگە مىندەتتى كارانتين ەنگىزدى.
ەسكە سالساق, ءۇندىستان كوروناۆيرۋس جۇقتىرعاندار سانى بويىنشا الەمدىك رەكورد ورناتىپ, ەلدەگى جاعداي قيىندادى. بىرقاتار ەل ۇندىستانمەن اۋە قاتىناسىن توقتاتتى.
