«ەلوردامىز جىل سايىن كوركەيىپ كەلەدى. بۇرىن باتپاق, قاراۋسىز قالعان جەرلەر «جاسىل ارالدارعا« اينالىپ جاتىر. بيىل 1 ميلليوننان استام, ياعني رەكوردتىق كولەمدە جاسىل جەلەك (اعاشتار, بۇتالار, كوشەتتەر جانە ت. ب.) وتىرعىزۋدى جوسپارلاپ وتىرمىز. سونىڭ ىشىندە ەلوردانىڭ جاسىل بەلدەۋىندە دە وتىرعىزامىز.
بۇل جاسىل «وازيس« قالاسىن قۇرۋعا مۇمكىندىك بەرەدى. قالانىڭ بارلىق اۋداندارىندا سوڭعى بىرنەشە اپتا بويى «بىرگە - تازا قازاقستان« ەكولوگيالىق ايلىعى ءوتىپ جاتىر. بۇگىن «استانا بالەت« ماڭىنداعى اۋماقتا اعاش وتىرعىزۋعا قاتىستىم. قازاقستان حالقى اسسامبلەياسىنىڭ ەلوردالىق مۇشەلەرىمەن بىرگە نۇر-استانا مەشىتىنىڭ جانىنا اعاش وتىرعىزدىق, سونداي-اق ارىپتەستەرىمىزبەن بىرلەسىپ, بوتانيكالىق باقتا اعاش وتىرعىزدىق.
بۇل جۇمىستارعا قالا تۇرعىندارى مەن ەرىكتىلەر بەلسەندى قاتىسۋدا. العىس ايتامىن!», دەدى كولگىنوۆ.
