– ءبىر ءۇيدىڭ بالاسىندايمىز, دەيدى وبلىستىق ءازىربايجان ەتنومادەني بىرلەستىگىنىڭ توراعاسى ەلۆين دەميرچيەۆ. 1 مامىر – حالىقارالىق بىرلىك كۇنىنە وراي «مارات-م» جشس باسشىسى ءالي دۋماناي ۇلى مەن ەلۆين دەميرچيەۆ اۋدان مەشىتتەرىنە اۋىز اشار قورجىندارىن سىيعا تارتتى.
– قايىرلى ءىستىڭ ءبىر قايىرى بار. ءالي مەن ەلۆين باۋىرلارىمىزدىڭ «بەرەكەلى رامازان سىيى» اتتى اۋىز اشار قورجىندارىن اۋداندىق مۇگەدەكتەر قوعامىنىڭ مۇشەلەرىنە ۇلەستىرىپ بەردىك. ءبىر شاڭىراق استىنداعى ءار ۇلتتىڭ بەرەك-بىرلىگى ارتا بەرسىن, دەيدى زاۋىتبەك سايلاۋ ۇلى.
«جاقسىنىڭ جاقسىلىعىن ايت, نۇرى تاسسىن» دەمەي مە؟! ءالي دۋماناي ۇلى مەن ەلۆين دەميرچيەۆ سونىمەن قاتار گلۋبوكوە اۋدانىنداعى اقتاس مەشىتىنە دە قايىرىمدىلىق كومەكتەرىن كورسەتتى. بۇعان دەيىن بالالار ۇيىنە, قارتتارعا قولدان كەلگەن كومەكتەرىن كورسەتىپ ءجۇر. بىراق, ءتىس جارىپ ەشكىمگە ايتا بەرمەيتىن. قايىرىمدى ىستەرىنەن بولەك ۇلتتاردىڭ اراسىنداعى ىنتىماقتاستىق تا وسىلاي بولسا كەرەك-ءتى.
