ەسكە سالا كەتەيىك, پرەزيدەنت قاسىم-جومارت توقاەۆ رەسپۋبليكالىق جانە جەرگىلىكتى جولداردىڭ قۇرىلىسى مەن جوندەۋ جۇمىستارىن جانە باقىلاۋدى بوساڭسىتىپ العانى ءۇشىن اقتوبە وبلىسى اكىمىنىڭ ءبىرىنشى ورىنباسارى نۇرجاۋعان قالاۋوۆتى قىزمەتتەن بوساتقان ەدى.
ال بۇگىن وبلىس اكىمىنىڭ ءبىرىنشى ورىنباسارى قىزمەتىنە رۋسلان حامباروۆ تاعايىندالدى. ول قازاق مەنەدجمەنت, ەكونوميكا جانە بولجاۋ ينستيتۋتىن, «تۇران-استانا» ۋنيۆەرسيتەتىن تامامداعان.
ەڭبەك جولىن 2010 جىلى «قازتسينك» جشس قارجى جونىندەگى ۆيتسە-پرەزيدەنتىنىڭ كومەكشىسى رەتىندە باستاعان. ءار جىلدارى قارجى مينيسترلىگى سالىق كوميتەتىنىڭ, شىعىس قازاقستان وبلىستىق سالىق دەپارتامەنتىنىڭ, وسكەمەن قالاسى بويىنشا باسقارماسىنىڭ باس مامانى, قارجى مينيسترلىگى سالىق كوميتەتى استانا قالالىق سالىق دەپارتامەنتىنىڭ سارىارقا اۋدانى بويىنشا باسقارماسىنىڭ باس مامانى, ءبولىم باسشىسى, 2018 جىلدىڭ شىلدە ايىنان باستاپ 2020 جىلدىڭ ناۋرىز ايىنا دەيىن قارجى مينيسترلىگى سالىق كوميتەتىنىڭ اقتوبە وبلىسى بويىنشا مەملەكەكتتىك كىرىستەر دەپارتامەنتى باسشىسىنىڭ ورىنباسارى لاۋازىمىندا جۇمىس ىستەگەن.
پرەزيدەنتتىك جاستار كادر رەزەرۆىنىڭ مۇشەسى, 2020 جىلدىڭ ناۋرىز ايىنان باستاپ اقتوبە وبلىسى اكىمىنىڭ ورىنباسارى بولدى.
