«قازاقستان قارۋلى كۇشتەرىن دامىتۋدىڭ باستى باعىتتارىنىڭ ءبىرى – تىلدىق قامتاماسىز ەتۋ. ساربازدىڭ ارقاشان قارنى توق, كيىمى مۇنتازداي تازا, مەديتسينالىق قىزمەتپەن ءاردايىم قامتىلعان بولۋى كەرەك. سونداي-اق تۇرعىلىقتى جەرى سانيتارلىق-گيگيەنالىق تالاپتارعا ساي بولۋى قاجەت. ال تەحنيكالار جانارماي تۇرلەرىمەن ۇنەمى تولتىرىلىپ تۇرۋى ءتيىس», دەدى بريفينگتە قر قورعانىس ءمينيسترىنىڭ ورىنباسارى مۇحامەدجان تالاسوۆ.
ۆيتسە-ءمينيستردىڭ سوزىنە قاراعاندا, قارۋلى كۇشتەرگە بۇگىنگى كۇنگە دەيىن تاماق ونىمدەرىنىڭ راتسيونىن جاقسارتۋ ماقساتىندا تاماقتانۋ قۇرامىنىڭ نورمالارى ءۇش رەت وزگەرگەن.
«قازىرگى تاڭدا اسكەري قىزمەتشىنىڭ تاماقتانۋ قۇرامىنا 48-دەن 61-گە دەيىن تاماق ونىمدەرى كىرەدى. ونىڭ ىشىندە سيىر, قۇس جانە بالىق ەتى, ىرىمشىك, شۇجىق, سۇزبە, قايماق سونداي-اق جەمىستەر مەن تابيعي شىرىندار بار. دەنساۋلىقتى جاقسارتۋ ماقساتىندا دارۋمەندى قوسپالار مەن گەماتوگەن جانە باسقا دا ونىمدەر كىرەدى. ال 2018 جىلدان باستاپ تۇراقتى جاۋىنگەرلىك دايىندىقتاعى اسكەري بولىمدەردە ۆزۆود كومانديرىنەن روتا كومانديرىنە دەيىنگى وفيتسەرلەرگە جانە كەلىسىمشارت بويىنشا بارلىق اسكەري قىزمەتشىلەرگە مەملەكەت ەسەبىنەن تەگىن تۇسكى اس بەرىلەدى», دەيدى مۇحامەدجان تالاسوۆ.
