قوعامدىق ءتارتىپتى قامتاماسىز ەتۋ بويىنشا كەزەكشىلىك كەزىندە سايرام اۋداندىق پوليتسيا ءبولىمىنىڭ قىزمەتكەرلەرى كومەككە شاقىرعان قىزدىڭ اناسىن كورىپ, ونىڭ وتىنىشىنە بەيجاي قاراي المايدى. ءسويتىپ پوليتسيا ونى قىزمەتتىك كولىككە وتىرعىزىپ, ءجاسوسپىرىمنىڭ ورنالاسقان جەرگە قاراي بەت الادى.
قۇزىرلى ورگان وكىلدەرى اقسۋكەنتتەگى تولەبي كوشەسىندە ورنالاسقان مانكەنت ستانساسىنداعى كوپىردەن جاس قىزدىڭ سەكىرمەك بولىپ تۇرعان جەرىنەن تاپتى.
«وسى ساتتە پوليتسيا كاپيتانى بولەگەن تولەگەنوۆ وزىنە قول جۇمساماق بولعان ءجاسوسپىرىم قىزعا جاقىنداپ, ونى قۇتقارۋ ءۇشىن قاجەتتى شارالاردى قابىلدادى. پوليتسيا قىزمەتكەرى قىزعا كۇدىك تۋعىزباستان, ونىڭ ارتقى جاعىنان مىقتاپ ۇستاپ الدى. سودان كەيىن ونىڭ ارىپتەستەرى كومەككە كەلىپ, وقۋشىنى قاۋىپسىز جەرگە شىعاردى», دەپ حابارلادى وبلىستىق پد.
بەلگىلى بولعانداي, قىز اناسىنا رەنجىپ, وتباسىلىق كيكىلجىڭ تۋىنداعان. كەيىن جاسوسپىرىممەن مورالدىق-پسيحولوگيالىق اڭگىمە جۇرگىزىلىپ, قاجەتتى كومەك كورسەتىلدى.
