ناقتىراق ايتساق, ا.ورىنبەكتىڭ جازباسىندا س.جولمانوۆانىڭ كابينەتىنەن 4500 دوللار, ءۇيىن ءتىنتۋ كەزىندە 2 800 000 دوللار, جەكە كولىگىنەن 600 000 دوللار تابىلعانى ايتىلادى. سونداي-اق مەدەۋ اۋداندىق سوتىنىڭ سۋدياسى قۇرىلىس سالۋشىدان 1 180 000 دوللار كولەمىندە پارا العانى تۋرالى اقپارات تا وسى جازبادا كورسەتىلگەن.
الايدا الماتى قالالىق سوتى بۇل مالىمەتتى تەرىسكە شىعارىپ وتىر. «قىزمەتتىك كابينەتتەن 10 000 اقش دوللارى الىنعانىن, ال سۋديانىڭ ۇيىنەن ەشتەڭە الىنباعانىن حابارلايمىز. سۋديانىڭ وكىلەتتىگى جوعارعى سوت توراعاسىنىڭ وكىمىمەن توقتاتىلدى», دەلىنەدى قالالىق سوتتىڭ ءباسپاسوز حاتشىسى بەرگەن مالىمەتتە. سونداي-اق قالالىق سوت جالعان اقپارات تاراتۋمەن اينالىساتىن ادامداردى قىلمىستىق جاۋاپكەرشىلىككە تارتۋ ءۇشىن الماتى قالاسىنىڭ پروكۋراتۋراسىنا جۇگىنىپتى.
وكىلەتتىلىگى توقتاتىلعان سۋديا مۇددەلى تۇلعالاردىڭ پايداسىنا سوت شەشىمدەرىن شىعارۋعا جاردەم كورسەتىپ, الاياقتىق ارەكەتتەر جاسادى دەگەن كۇدىككە ىلىگىپ وتىر. وسى كۇنگە دەيىن الماتى قالالىق سوتىنىڭ ىشكى قاۋىپسىزدىك ءبولىمى مەن الماتى قالاسى بويىنشا ۇقك دەپارتامەنتى الماتى قالاسى مەدەۋ اۋداندىق سوتىنىڭ سۋدياسىنا قاتىستى بىرلەسكەن تەكسەرۋ جۇرگىزگەن. ناتيجەسىندە, ۇقكد قر قك 190-بب.4-ب. 2-ت. بويىنشا سوتقا دەيىنگى تەرگەپ-تەكسەرۋدى باستادى. باس پروكۋرور سوتقا دەيىنگى تەرگەۋدى جالعاستىرۋعا كەلىسىم بەرىپ وتىر. ء«تىنتۋ ءىس-شارالارى كەزىندە سۋديادان قوماقتى اقشا سوماسى تابىلىپ, تاركىلەندى. وزگە اقپارات تەرگەۋ مۇددەسىندە جاريا ەتۋگە جاتپايدى», دەلىنەدى الماتى قالالىق سوتىنىڭ ءباسپاسوز قىزمەتى ۇسىنعان اقپاراتتا.
