7 بالا تاربيەلەپ وتىرعان جالعىزباستى انا الماگۇل قوزىبەكوۆا اۋىر ماتەريالدىق جاعدايدى يگەرە الماي, الماتىداعى «Nur Otan» پارتياسىنىڭ المالى اۋداندىق فيليالىنا جۇگىنۋگە ءماجبۇر بولعان. ونىڭ جالعا بەرىلەتىن تۇرعىن ءۇيدى تولەۋگە جانە نەسيە بويىنشا بىرنەشە ميلليون دوللارلىق بەرەشەگىن وتەۋگە اقشالاي قاراجاتى جوق ەكەنى بەلگىلى بولدى.
المالى اۋدانى اكىمىنىڭ ورىنباسارى ارحات وماروۆ پارتيانىڭ اۋداندىق فيليالى الاڭىندا ايەلدى قابىلداپ, ماسەلەسىن تىڭدادى. نۇروتاندىقتار مەن مەملەكەتتىك ورگاندار وكىلدەرىنەن قۇرالعان ءموبيلدى توپ ءوتىنىش بەرۋشىنىڭ تۇرعىلىقتى مەكەنجايىنا بارىپ, ۇلكەن وتباسىنىڭ ءومىر ءسۇرۋىنىڭ اۋىر جاعدايلارىن تىركەدى.
«حالىققا كومەك» پارتيالىق جوباسى اياسىندا «Nur Otan» پارتياسىنىڭ مۇشەسى, كاسىپكەر عابيت ماماترايىموۆ كومەك سۇراپ كەلگەن ايەلدىڭ 5 ملن تەڭگەگە جۋىق نەسيەسىن تولىق وتەپ, ايەلدىڭ جالعا الىپ وتىرعان ءۇيىنىڭ پاتەراقىسىن 2 جىلعا ارتىعىمەن تولەگەن.
«پاندەميا كەزىندەگى كۇردەلى ەكونوميكالىق جاعدايعا قاراماستان ءبىزدىڭ وتباسىمىزدىڭ قارجىلىق جانە تۇرعىن ءۇي پروبلەمالارىن شەشۋ ءۇشىن اقشا تاپقان الماتى قالاسىنىڭ نۇروتاندىقتارىنا, اكىمدىك قىزمەتكەرلەرىنە جانە كاسىپكەرگە شىنايى ريزاشىلىعىمدى بىلدىرەمىن», دەدى كوپبالالى انا.
ايتا كەتۋ كەرەك, جىل باسىنان بەرى الماتى قالالىق پارتيا فيليالىنىڭ قوعامدىق قابىلداۋ بولمەلەرىندە قالا جانە اۋدان اكىمدەرى مەن اكىم ورىنباسارلارىنىڭ, ءماجىلىس جانە ءماسليحات دەپۋتاتتارىنىڭ, جەرگىلىكتى اتقارۋشى جانە قۇقىق قورعاۋ ورگاندارى باسشىلارىنىڭ, سونداي-اق زاڭگەرلەر مەن ادۆوكاتتاردىڭ قاتىسۋىمەن 283 ازامات قابىلداۋدا بولدى. بارلىعى 2100-دەن استام ءوتىنىش ءتۇستى. ولاردىڭ 43%-ى وڭ شەشىمىن تاپتى, 53%-ى تەگىن كونسۋلتاتسيالىق, قۇقىقتىق جانە وزگە دە كومەك كورسەتتى, 4%-ى ورىندالىپ جاتىر.
