قوعام • 28 ءساۋىر، 2021

«استانا LRT» جانە «سك-فارماتسيا» ءىسى بويىنشا ادۆوكاتتار قورعالۋشىلارعا كىرە الماي ءجۇر

126 رەت كورسەتىلدى

«استانا LRT» جانە «سك-فارماتسيا» ىستەرى بويىنشا ايىپتالۋشىلاردىڭ ادۆوكاتتارى قورعالۋشىلارىمەن كەزدەسە الماي جاتقاندىعىن ايتتى، دەپ حابارلايدى Egemen.kz .

نۇر-سۇلتاندا ادۆوكاتتار كوروناۆيرۋستىڭ تارالۋ قارقىنى بويىنشا استانانىڭ «قىزىل ايماقتا» بولۋىنا بايلانىستى تەرگەۋ يزولياتورلارىنداعى ءوز كليەنتتەرىمەن كەزدەسە الماي جاتقاندىعىن مالىمدەدى.

سك-فارماتسيانىڭ بۇرىنعى باسشىسى بەرىك ءشارىپتىڭ ىسىنە قاتىستى سوت پروتسەسىندە ايىپتالۋشى مەن  ونىڭ ادۆوكاتى تەرگەۋ يزولياتورلارىندا كەزدەسۋىنە رۇقسات بەرۋىن سۇرادى. ءوز كەزەگىندە پروكۋرور رۇقسات بەرۋ تۋرالى شەشىم كۆي جاعدايىنا بايلانىستى قابىلداناتىنىن ايتتى. ال سۋديا ادۆوكات پەن سوتتالۋشىلارعا تەك Zoom پلاتفورماسى ارقىلى سويلەسۋگە بولاتىنىن مالىمدەدى.

وسىعان ۇقساس مالىمدەمەنى «استانا LRT» ءىسى بويىنشا ايىپتالۋشىلاردىڭ ادۆوكاتتارى دا جاسادى.

نۇر-سۇلتان قالاسىنىڭ سانيتارلىق-ەپيدەميولوگيالىق باقىلاۋ دەپارتامەنتى تەرگەۋ يزولياتورلارىندا تەرگەۋشىلەرمەن جانە ادۆوكاتتارمەن كەزدەسۋگە ەشقانداي شەكتەۋ ەنگىزىلمەگەنىن حابارلادى.

«قىلمىستىق-اتقارۋ جۇيەسى مەكەمەلەرىندە سوتتالعاندار، كۇدىكتىلەر مەن ايىپتالۋشىلار قاتىساتىن بارلىق ءىس-شارالار ولاردىڭ مىندەتتى تۇردە ماسكالاردى، رەزەڭكە قولعاپتاردى، جابىق ۇلگىدەگى كوزىلدىرىكتەردى پايدالانا وتىرىپ جانە قاتىسۋشىلار اراسىندا ەكى مەتر قاشىقتىقتى ساقتاي وتىرىپ وتكىزىلەدى. بۇل قر باس مەملەكەتتىك سانيتارلىق دارىگەرىنىڭ 2020 جىلعى 25 جەلتوقسانداعى № 67 قاۋلىسىنىڭ 24 – قوسىمشاسىنىڭ 4-تارماعىندا جازىلعان»، دەلىنگەن دەپارتامەنتتىڭ جاۋابىندا.

سوڭعى جاڭالىقتار

اۋەزوۆ جانە تۇركى الەمى

رۋحانيات • كەشە

يدەولوگيا

رۋحانيات • كەشە

مەيىرىم مەن قاتىگەزدىك

رۋحانيات • كەشە

ەسكى مەن جاڭا اراسى

رۋحانيات • كەشە

بي پاديشاسى

رۋحانيات • كەشە

ساپا قايتسە جاقسارادى؟

قازاقستان • كەشە

قايىرىمدىلىقتىڭ ۇلگىسى

قازاقستان • كەشە

ساق ءداۋىرىنىڭ تاسى

تانىم • كەشە

ۇقساس جاڭالىقتار