ايماقتار • 28 ءساۋىر، 2021

جوعارى وقۋ ورنىندا «EduWeek EKTU-2021» اكادەميالىق اپتالىعى ءوتتى

5167 رەت كورسەتىلدى

ۋنيۆەرسيتەتتىڭ ءبىلىم بەرۋ يننوۆاتسيالارىن كوپشىلىككە تانىستىرۋ ءۇشىن جىل سايىن ساۋىردە «EduWeek EKTU-2021» اكادەميالىق اپتالىعى وتەدى.

اكادەميالىق اپتا «بۇگىن — ەرتەڭ — بۇرسىگۇنى» اتتى جاڭا ءبىلىم بەرۋ باعدارلامالارىنىڭ حيت-پارادىنان باستالدى. بازالىق ينجەنەرلىك دايىندىق فاكۋلتەتىنىڭ دەكانى جەڭىسگۇل راحمەتۋللينا جوو قىزمەتكەرلەرى، فبيپ پوق، فيزيكا ورتالىعىنىڭ ينجەنەرلەرى، «تف» جانە «ميكم» بب ستۋدەنتتەرى، دوكتورانتتارى ءۇشىن ەكسكۋرسيا جۇرگىزىپ، ستۋدەنتتەردىڭ ينجەنەرلىك ماماندىقتار بويىنشا تاجىريبەلىك جۇمىستارىن جۇرگىزەتىن زەرتحانالارى تۋرالى ايتىپ بەردى. ايتا كەتۋ كەرەك، ماتەماتيكالىق پاندەردى تەرەڭدەتىپ وقىتاتىن ءبىلىم الۋشىلار دا «فيزيكا ورتالىعىندا» زەرتحانالىق جۇمىستاردى ورىندايتىن بولادى.

سونىمەن قاتار، شقتۋ كىتاپحاناسىندا قىزىقتى، تانىمدىق ەكسكۋرسيالار وتكىزىلىپ، جاڭا ءبىلىم بەرۋ باعدارلامالارى تانىستىرىلدى.
 
اكادەميالىق اپتالىق اياسىندا ۋنيۆەرسيتەتتىڭ «قازاق جانە ورىس كافەدراسى» «لاتىنگرافيكالى قازاق الىپبيىندە جازا الاسىڭ با؟» اتتى اقپاراتتىق-تانىمدىق ساباق وتكىزدى. ساباقتىڭ ماقساتى - جەتىلدىرىلگەن جاڭا ءالىپبيدى ستۋدەنتتەرگە، وقىتۋشىلار قۇرامىنا تانىستىرۋ، ناسيحاتتاۋ بولدى. ال گۋمانيتارلىق ءبىلىم بەرۋ فاكۋلتەتىنە قاراستى «اباي» كلۋبى ءوزىنىڭ ادەبي قوناق بولمەسىن ۇيىمداستىردى. وعان وسكەمەن قالاسىنىڭ № 2 ورتا مەكتەبىنىڭ وقۋشىلارى قاتىستى. ماماندار ۋنيۆەرسيتەت قابىرعاسىندا اقىننىڭ شىعارماشىلىعىن ناسيحاتتايتىن جۇمىستار جايلى اقپارات بەرىپ، «ادام بول» كۋرسىنىڭ ماڭىزدىلىعى تۋرالى ءسوز قوزعادى.
 
«EduWeek EKTU-2021» شەڭبەرىندە  فيزيكا ورتالىعىنىڭ زەرتحاناسىندا «كۇردەلى فيزيكالىق ۇدەرىستەردى مودەلدەۋ»اتتى دوڭگەلەك ۇستەل ءوتتى. ءىس-شاراعا اكادەميالىق قىزمەت جونىندەگى پرورەكتور جادىرا قونۋرباەۆا جانە تاجىريبە بازاسىنىڭ وكىلدەرى، قر ۇياو قىزمەتكەرلەرى قاتىستى. ستۋدەنتتەر مەن مەكتەپ تۇلەكتەرى تاراپىنان قر ۇياو وكىلدەرىنە سۇراقتار قويىلىپ، ولارعا قاناعاتتانارلىق جاۋاپتار بەرىلدى. كەيىن شقتۋ-دىڭ ودان ارعى ىنتىماقتاستىق ماسەلەلەرى تالقىلاندى. 
 
اكادەميالىق اپتالىقتىڭ سوڭىندا ءداستۇرلى «بوس ورىندار جارمەڭكەسى 2021» ءوتتى.  جىل سايىنعى ءىس-شارا ۋنيۆەرسيتەت تۇلەكتەرىنە قىزىقتى، پەرسپەكتيۆتى جانە جوعارى اقىلى جۇمىس تابۋعا، ال جۇمىس بەرۋشىلەرگە جاڭا بىلىكتى كادرلار تاڭداۋعا كومەكتەسەدى. "بوس ورىندار جارمەڭكەسى» وسىمەن ەكىنشى جىل ونلاين فورماتتا وتۋدە.
 
كونفەرەنتسياعا «كازتسينك» جشس، ء«ۇمز» اق، «بىرىككەن ەنەرگوسەرۆيستىك كومپانيا» اق، «1س-رەيتينگ» جشس، «KAZ Minerals» جشس سياقتى شىعىس قازاقستاننىڭ ءىرى كومپانيالارىنىڭ وكىلدەرى قوسىلدى.

شقتۋ-دىڭ دەكاندارى، ولاردىڭ ورىنباسارلارى كەزەك-كەزەك كونفەرەنتسياعا قوسىلىپ، مامانداردى قانداي باعىتتار بويىنشا دايارلايتىندارى تۋرالى باياندادى. جۇمىس بەرۋشىلەر ءوز كەزەگىندە كومپانيالارىن تانىستىرىپ، تۇلەكتەر ءۇشىن ماڭىزدى اقپاراتتارمەن ءبولىستى. «بوس ورىندار جارمەڭكەسى 2021» بيىلعى جىلى جوعارى وقۋ ورنىن بىتىرگەن 700-دەن استام وقۋشىنى قامتىدى.
 
ايتا كەتۋ كەرەك، شقتۋ-دا «بوس ورىندار جارمەڭكەسى» ءۇشىن ەلەكتروندى الاڭ ازىرلەندى. مۇندا كاسىپورىندار مەن ستۋدەنتتەر ءوزارا بايلانىسا الادى. جۇمىس بەرۋشىلەر تىركەلىپ، بوس جۇمىس ورىندارى تۋرالى اقپارات قالدىرىپ، ستۋدەنتتەردىڭ تۇيىندەمەسىمەن تانىسادى. ستۋدەنتتەر مەن تۇلەكتەر وزدەرىنىڭ جەكە كابينەتتەرىندە تۇيىندەمەلەرىن ورنالاستىرادى جانە الەۋەتتى جۇمىس بەرۋشىلەر ۇسىناتىن اقپاراتپەن تانىسادى. بيىلعى جىلى ەلەكتروندى الاڭ  پىسىقتالدى، ەندى كاسىپورىندار تۇلەكتەرگە اقپارات بەرۋ ءۇشىن بەينە ماتەريالدار مەن پرەزەنتاتسيالاردى قوسا الادى.

سوڭعى جاڭالىقتار

پاريجگە سىيماعان پول

ونەر • بۇگىن، 21:16

قارتتار ۇيىندەگى ۆالس

قوعام • بۇگىن، 21:05

دوللار قايتا كوتەرىلدى

قارجى • بۇگىن، 16:35

ۇقساس جاڭالىقتار