«بۇگىندە قازاقستان جاڭا جاۋاپتى كەزەڭگە اياق باستى, ول پاندەميا جىلىمەن, جاھاندىق ەكونوميكاداعى داعدارىستىق قۇبىلىستاردىڭ كۇشەيۋىمەن, جەتەكشى الەمدىك ويىنشىلاردىڭ گەوساياسي باسەكەلەستىگىنىڭ شيەلەنىسۋىمەن تۇسپا-تۇس كەلدى. وسى جانە باسقا دا قولايسىز جاعدايلار ءبىزدىڭ مەملەكەتىمىزدىڭ دامۋىنا تەرىس اسەرىن تيگىزە المايدى. وسىنداي جاعدايدا ەلىمىزدىڭ پرەزيدەنتى قاسىم-جومارت توقاەۆ جان-جاقتى, سىندارلى ساياساتىن جۇرگىزىپ كەلەدى. ءبىز ونى قولداۋعا ءتيىسپىز. ول بارلىق قازاقستاندىقتىڭ مۇددەسى مەن ۇلتىمىزدىڭ ودان ءارى دامۋىنا قىزمەت ەتەدى دەپ سەنەمىن», دەدى نۇرسۇلتان نازارباەۆ.
ەسكە سالا كەتەيىك, قازاقستاننىڭ تۇڭعىش پرەزيدەنتى - ەلباسى, قحا توراعاسى ن.ءا.نازارباەۆتىڭ توراعالىعىمەن قازاقستان حالقى اسسامبلەياسىنىڭ XXIX سەسسياسى ءوتىپ جاتىر.
سەسسيا جۇمىسىنا ونلاين فورماتتا 600-دەن استام ادام قاتىسىپ جاتىر. ولاردىڭ قاتارىندا بارلىق وڭىرلەردەن كەلگەن اسسامبلەيا مۇشەلەرى, رەسپۋبليكالىق جانە وڭىرلىك ەتنومادەني بىرلەستىكتەردىڭ توراعالارى, پارلامەنت دەپۋتاتتارى, ورتالىق اتقارۋشى ورگانداردىڭ, ساياسي پارتيالاردىڭ, ءدىني بىرلەستىكتەردىڭ باسشىلارى, ۇەۇ, عىلىمي, شىعارماشىلىق زيالى قاۋىم جانە باق وكىلدەرى بار.
