«1993 جىلى كەڭەس وداعى ىدىراعاننان كەيىن ادامدار قايدا بارارىن, نە ىستەرىن بىلمەي قالدى. ءبىزدىڭ ەلگە كەلگەن ءارتۇرلى حالىق وكىلدەرى قايتا قونىس اۋدارعىسى كەلدى. ءبىز ولارعا تاڭداۋ ەركىندىگىن بەردىك. سول ساتتە قازاقستاننان 3 ميلليونعا جۋىق ادام كەتتى. سودان كەيىن حالىق سانى 14 ميلليونعا دەيىن ازايدى. بۇگىندە حالقىمىزدىڭ سانى 19 ميلليونعا جۋىقتادى. 2025 جىلعا قاراي 20 ميلليوننان اسىپ تۇسەمىز», دەدى نۇرسۇلتان نازارباەۆ.
ەسكە سالا كەتەيىك, قازاقستاننىڭ تۇڭعىش پرەزيدەنتى - ەلباسى, قحا توراعاسى ن.ءا.نازارباەۆتىڭ توراعالىعىمەن قازاقستان حالقى اسسامبلەياسىنىڭ XXIX سەسسياسى ءوتىپ جاتىر.
سەسسيا جۇمىسىنا ونلاين فورماتتا 600-دەن استام ادام قاتىسىپ جاتىر. ولاردىڭ قاتارىندا بارلىق وڭىرلەردەن كەلگەن اسسامبلەيا مۇشەلەرى, رەسپۋبليكالىق جانە وڭىرلىك ەتنومادەني بىرلەستىكتەردىڭ توراعالارى, پارلامەنت دەپۋتاتتارى, ورتالىق اتقارۋشى ورگانداردىڭ, ساياسي پارتيالاردىڭ, ءدىني بىرلەستىكتەردىڭ باسشىلارى, ۇەۇ, عىلىمي, شىعارماشىلىق زيالى قاۋىم جانە باق وكىلدەرى بار.
