تەاتر • 27 ءساۋىر، 2021

الان بورىباەۆ: «اباي» وپەراسى – الەمدىك كلاسسيكانىڭ وزىق ۇلگىسى

211 رەت كورسەتىلدى

بيىل كەمەڭگەر كومپوزيتورلار احمەت جۇبانوۆ پەن لاتيف ءحاميديدىڭ 115 جىلدىعىنا وراي «استانا وپەرادا» «اباي» وپەراسى ساحنالانباق. سيمفونيالىق وركەستردىڭ ديريجەرلىك تۇعىرىنا تۇرعان العاشقى قازاق ديريجەرى احمەت جۇبانوۆتىڭ تۋعان كۇنى قارساڭىندا «استانا وپەرا» تەاترىنىڭ باس ديريجەرى الان بورىباەۆ اتاسى تۋرالى اڭگىمەلەپ بەرگەن ەدى.

– احمەت جۇبانوۆ تۋرالى تۋىسقاندارىمنىڭ اڭگىمەسىنەن جانە ونىڭ مۋزىكاسى مەن ادەبي مۇراسىن تىكەلەي زەردەلەۋىمنەن بىلەمىن. ونىڭ بەينەسى بالالىق شاعىمنان بەرى كوز الدىمدا. احمەت قۋان ۇلىنىڭ ۇلكەن نەمەرەسى – مەنىڭ انام شولپان جۇبانوۆا ول جايىندا ماعان كوپ اڭگىمەلەيتىن. اتام، اكادەميك، پروفەسسور بولات جۇ­بانوۆ ارعى بابام تۋرالى كوپ ەستەلىكتەر قالدىردى، سونىمەن قاتار كومپوزيتوردىڭ كىشى قىزى، اكادەميك اجار جۇبانوۆا ول جايىندا ءار كەز ايتىپ ءجۇر. احمەت جۇبانوۆ – عالامات دارىن يەسى. ونىڭ جان-جاقتىلىعى سونشالىق، مەن ونى قايتا جاڭ­عىرۋ ءداۋىرىنىڭ ۇلى تۇلعاسى لەوناردو دا ۆينچيمەن سالىستىرار ەدىم. جۇبانوۆ بۇل تۇرعىدان دا امبەباپ جان ەدى. ءسوزسىز، ول – ۇلكەن كومپوزيتور، بىراق بۇل ونىڭ دارىنىنىڭ ءبىر قىرى عانا. ونى قازاقستاننىڭ مۋزىكالىق مادەنيەتىنىڭ ۇيىمداستىرۋشىسى دەپ نىق سەنىممەن اتاۋعا بولادى، – دەدى اتالعان وپەرانىڭ ديريجەرى ءارى مۋزىكالىق رەداكتورى، مەملەكەتتىك سىيلىق لاۋرەاتى، قازاقستاننىڭ ەڭبەك سىڭىرگەن قايراتكەرى الان بورىباەۆ.

قۇرمانعازى اتىنداعى وركەس­تر­دىڭ نەگىزىن سالۋشى، جەتەكشىسى ءارى ديريجەرى، كونسەرۆاتوريانىڭ ءبىرىنشى رەسمي رەكتورى، العاشقى مۋزىكالىق كوللەدجدىڭ ىرگەتاسىن قالاۋشى، عىلىم اكادەمياسى قۇرىلتايشىلارىنىڭ ءبىرى بولعان احمەت جۇبانوۆ مۋزىكاتانۋ سالاسىنا قوسقان ۇلەسى زور ءارى قازاق مۋزىكاسى تۋرالى زەرتتەۋ ەڭبەكتەرىنىڭ اۆتورى. الان بورى­باەۆتىڭ ايتۋىنشا، بۇگىنگى تاڭدا كومپوزيتوردىڭ سيرەك ايتىلاتىن تاعى ءبىر تۇسى – قازاق تىلىندەگى اۋدارمالارى. ماسەلەن، ول پاگانيني تۋرالى كىتاپتى اۋدارعان، الايدا باسپا ءۇيى ونى جوعالتىپ العان.

– پاگانينيدىڭ وتانى – گەنۋيا­داعى (يتاليا) گاسترولى كەزىن­دە «اباي» وپەراسىنا ديري­جەرلىك ەتكەن كەزدە جۇبانوۆ پەن پاگا­نينيدىڭ وسىناۋ كوزگە كورىن­بەس بايلانىسى تۋرالى ويلاندىم. «اباي» وپەراسىنىڭ مۋزىكاسى شىنايى ءارى تەبىرەنتەر كۇش­كە جەتەتىنى سونشالىق، ءتۇرلى ۇلت تىڭ­داۋشىلارىن بەيجاي قال­دىر­مايدى. بىردە پاريجدە وپەرادان كەيىن ماعان كوز جاسىنا ەرىك بەرگەن ءبىر تىڭداۋشى ايەل كەلىپ: «بۇل مۋزىكا مەن تۋرالى» دەدى. مەن ءۇشىن «اباي» وپەراسىنا ديريجەرلىك ەتۋ – ءار كەز ءىشى-باۋىرىمدى ەلجىرەتىپ، تولقىتاتىن سەزىم. بۇل – عالامات تۋىندى، ەشقانداي ارتىق نوتا جوق، ول الەمدىك كلاسسيكالىق وپەرا­نىڭ وزىق ۇلگىسى بولىپ تابىلادى، – دەپ قورىتىندىلادى الان بورىباەۆ.

اباي پارتياسىن ءار كۇندەرى قازاقستاننىڭ ەڭبەك سىڭىرگەن قايراتكەرلەرى تالعات مۇساباەۆ، ازامات جىلتىركوزوۆ (دەبيۋت) ۇسىناتىنىن اتاپ وتكەن ءجون. اجار­دىڭ بەينەسىن «قۇرمەت» وردە­نى­نىڭ يەگەرى ايزادا قاپونوۆا مەن قازاقستاننىڭ ەڭبەك سىڭىرگەن قايراتكەرى ايگۇل نيازوۆا سوم­دايدى. ابايدىڭ شاكىرتى اي­داردىڭ ءرولىن قازاقستاننىڭ ەڭبەك سىڭىرگەن قايراتكەرلەرى مەيىر باينەش پەن جان تاپين ورىنداماق. ءازىمنىڭ پارتياسىن بەيىمبەت تاڭارىقوۆ ازىرلەۋدە. جيرەنشەنىڭ پارتياسىندا قا­زاق­ستاننىڭ ەڭبەك سىڭىرگەن قاي­راتكەرى جانات شىبىقباەۆ دەبيۋت جاسايدى، ەكىنشى كۇنى بۇل بەي­نەنى تالعات عالەەۆ ۇسىنادى. قار­لىعاش – تاتيانا ۆيتسينسكايا، ماليكا مينيزيني. كوكباي – ەرجان سايپوۆ. سىرتتان – بولات ەسىمحانوۆ، شىڭعىس راسىلحان (دەبيۋت). نارىمبەت – رامزات بالاكيشيەۆ، مەس – حايدار مۇس­تاپين. كارانتين كەزىندە تەاترعا كەلۋ Ashyq قوسىمشاسى ارقىلى جۇزەگە اسىرىلادى.

 

سوڭعى جاڭالىقتار

شابىت شاقىراتىن شاھار

ەلوردا • بۇگىن، 08:23

اقجايناق استانا

ەلوردا • بۇگىن، 08:22

وزىق ءوندىرىس ورنىندا بولدى

ايماقتار • بۇگىن، 08:20

باعدارىڭ قالاي، باس قالا؟

ەلوردا • بۇگىن، 08:17

ديماش پەن دجەكسون

ونەر • بۇگىن، 08:10

ۇتقانىمىز شامالى بولىپ تۇر

قوعام • بۇگىن، 08:05

ەگىزدەر فەستيۆالى

قوعام • بۇگىن، 08:00

احاڭنىڭ ادالدىعى

احمەت بايتۇرسىن ۇلى • كەشە

قارالى كەزەڭ كارتيناسى

قازاقستان • كەشە

ۇقساس جاڭالىقتار