قوعام • 27 ءساۋىر، 2021

اقتوتى رايىمقۇلوۆا قازاقستان رەسپۋبليكاسىنىڭ ۇلتتىق ارحيۆىندە بولدى

44 رەت كورسەتىلدى

بۇگىن قازاقستان رەسپۋبليكاسىنىڭ مəدەنيەت جəنە سپورت ءمينيسترى اقتوتى رايىمقۇلوۆا قىزمەت بارىسىمەن قازاقستان رەسپۋبليكاسىنىڭ ۇلتتىق ارحيۆىندە بولدى، دەپ حابارلايدى Egemen.kz مينيسترلىكتىڭ ءباسپاسوز قىزمەتىنە سىلتەمە جاساپ.

مينيستر ارحيۆ ۇجىمىنا ەلىمىزدىڭ تاريحي، قۇجاتتىق مۇراسىن ساقتاۋداعى، قازاقستاندىق ارحيۆ ىسىنە سىڭىرگەن ۇلكەن ەڭبەكتەرى ءۇشىن العىسىن ءبىلدىردى.

«بۇگىنگى تاڭدا ارحيۆ سالاسىنا ۇكىمەت تاراپىنان، مينيسترلىك تاراپىنان ۇلكەن كوڭىل ءبولىنىپ وتىر. جاقىندا وزدەرىڭىز بىلەتىندەي ۇكىمەت قاۋلىسىمەن ارحيۆ سالاسىنا باسشىلىق جاساۋ جونىندەگى ۋاكىلەتتى ورگان رەتىندە قازاقستان رەسپۋبليكاسى مادەنيەت جانە سپورت مينيسترلىگىنىڭ ارحيۆ ىستەرى جانە قۇجاتتامانى باسقارۋ كوميتەتى قۇرىلدى. بۇل دا مەملەكەت باسشىمىزدىڭ ارحيۆ سالاسىنا دەگەن نازارىنىڭ دالەلى دەۋگە بولادى. قازىرگى تاڭدا ارحيۆ قىزمەتكەرلەرىنىڭ جالاقىسىن كوتەرۋ ماسەلەسى بويىنشا جۇمىس ىستەپ جاتىرمىز جانە ءوز شەشىمىن تابادى دەپ سەنەمىن»، دەدى ۆەدومستۆو باسشىسى.

سونىمەن قاتار رەسپۋبليكا بويىنشا ارحيۆ قىزمەتكەرلەرىن باسپانامەن قامتاماسىز ەتۋ دە وزەكتى ماسەلە ەكەنى جانە بۇل باعىتتا جۇمىس جۇرگىزىلىپ جاتقانىنا ەرەكشە توقتالىپ ءوتتى.

ۇلتتىق ارحيۆ ۇجىمىنا الداعى قىزمەتىنە ساتتىلىك تىلەي وتىرا، جاڭا باسشىسى ساعيلا نۇرلانوۆانىڭ مەملەكەتتىك قىزمەتتە ۇزاق جىلدار بويى جيناقتاعان تاجىريبەسى مول بىلىكتى باسقارۋشى ەكەنىن اتاپ ءوتتى.

ءوز كەزەگىندە ساعيلا ەسىمسەيىتقىزى قازاقستاننىڭ ارحيۆ قىزمەتكەرلەرىنىڭ مۇڭ مۇقتاجىن بيلىككە جەتكىزىپ، ونىڭ شەشىمىن تابۋعا ۇلكەن ۇلەسىن قوسىپ جاتقان قازاقستان رەسپۋبليكاسى مادەنيەت جانە سپورت مينيسترلىگىنە جانە جەكە اقتوتى راحمەتوللاقىزىنا 22 جەلتوقسان ارحيۆيستەر كۇنى بولىپ بەلگىلەنگەنى جانە ۇكىمەت قاۋلىسىمەن «ارحيۆ سالاسىنىڭ ۇزدىگى» دەگەن توسبەلگى تاعايىندالۋىنا سالا ماماندارى اتىنان العىسىن ءبىلدىردى.

سوڭعى جاڭالىقتار

ۇقساس جاڭالىقتار