2505 قىسقا نومىرىنە SMS-تولەم جاساۋ – جول ءجۇرۋدىڭ بالامالى تولەم تۇرلەرىنىڭ ءبىرى. نەگىزگى ءادىس – كولىك كارتاسى جانە قولما-قول اقشا ارقىلى تولەۋ. جول ءجۇرۋ اقىسىن قولما-قول اقشامەن تولەۋ قازىرگى ۋاقىتتا نۇر-سۇلتان قالاسى باس مەملەكەتتىك سانيتارلىق دارىگەرىنىڭ ەنگىزگەن كارانتيندىك شارالارىنا بايلانىستى قولدانىلمايدى.
بۇگىنگى كۇنى جول اقىسىن كولىك كارتاسىمەن, سونداي-اق QR-كود ارقىلى تولەۋگە بولادى. ول ءۇشىن كەلەسى ءموبيلدى قوسىمشالاردى قولدانۋعا بولادى: Transcard, Kaspi.kz, SMSBUS, Homebank, My Activ, My Beeline, Senim, راحمەت, Astra Bus, Plus24 (كاسسا24), Qiwi جانە OYBY.
«بايلانىس ۇزىلىستەرى جولاۋشىلاردىڭ وزدەرىنە قولايسىزدىق تۋدىرادى. مىسالى, SMS ارقىلى تولەم كەشىكتىرىلىپ تولەنۋى مۇمكىن نەمەسە بىرنەشە رەت الىنادى. سونداي-اق قوعامدىق كولىك جولاۋشىلارىنىڭ جول اقىسىن تولەۋدەن جالتارۋ جاعدايلارى كوپ. ماسەلەن, كەيبىر ازاماتتار جول ءجۇرۋ اقىسىن SMS جىبەرۋ ارقىلى باقىلاۋشىلار تەكسەرەر الدىندا عانا تولەيدى. كولىكتىك باقىلاۋ دەپارتامەنتىنىڭ قىزمەتكەرلەرى «SMSBUS كونترولەر» قوسىمشاسى ارقىلى اۆتوبۋسقا كىرگەن كەزدە ءبىر ۋاقىتتا ءبىر ايالدامادا SMS حابارلاماسى ارقىلى جول اقىسىن تولەۋدىڭ 30-دان استام فاكتىسىن تىركەيدى. ناتيجەسىندە شىعىندار تاۋلىگىنە شامامەن 7 ملن تەڭگەنى قۇرايدى. بۇل — ايىنا 216 ملن تەڭگە جانە جىلىنا 2,5 ملرد تەڭگە», دەدى «City Transportation Systems» جشس باسقارما توراعاسى بەكمىرزا يگەنبەردينوۆ.
نۇر-سۇلتان قالاسىندا SMS جولداۋ ارقىلى قوعامدىق كولىكتە جول ءجۇرۋ اقىسىن تولەۋ سەرۆيسى 2018 جىلى ەنگىزىلگەن. سەرۆيسكە بارلىق ۇيالى وپەراتورلار (Activ/Kcell, Beeline, Altel, Tele2) جانە QR كودىنىڭ كومەگىمەن جاسالاتىن تولەم قوسىلعان. 2018-2021 جىلدار ارالىعىندا قوعامدىق كولىكتە SMS جانە QR-كود ارقىلى تولەۋ ەلوردانىڭ جالپى جولاۋشىلار لەگىنە شاققانداعى سان تومەندەگىدەي:
– 2018 جىلى — QR 0,6%; SMS ۇلەسى 0,4%;
– 2019 جىلى — QR 3,2%; SMS ۇلەسى 5,8%;
– 2020 جىلى — QR 15,6%; SMS ۇلەسى 12,4%;
– 2021 جىلى — QR 29%, ونىڭ ىشىندە SMS ۇلەسى 12%-دى عانا قۇرايدى.
«ۇيالى بايلانىس وپەراتورلارىنان SMS تولەمدى ساقتاۋعا قاتىستى ۇجىمدىق وتىنىشتەردە ەلوردانىڭ قوعامدىق كولىگىن پايدالانۋشىلار اراسىندا ۇيالى تەلەفونداردىڭ از عانا بولىگى ينتەرنەتكە شىعۋ جانە QR-كود ارقىلى تولەۋ مۇمكىندىگىنسىز پايدالانادى دەگەن دالەلدەر كەلتىرىلەدى. الايدا, تاجىريبە كورسەتكەندەي, كوپ جاعدايدا مۇنداي پايدالانۋشىلار — قارت ادامدار, مۇگەدەكتەر جانە باستاۋىش سىنىپ وقۋشىلارى. ازاماتتاردىڭ وسى ساناتتارى ءۇشىن جەڭىلدىكتى جانە مەكتەپ كولىك كارتالارىن پايدالانۋ ارقىلى تەگىن جول ءجۇرۋ قاراستىرىلعان. وسى فاكتىلەردى ەسكەرە وتىرىپ, SMS حابارلامالار ارقىلى تولەمدى پايدالاناتىن قوعامدىق كولىك پايدالانۋشىلارىنىڭ باسىم بولىگى – سمارتفوندارى بار ەكونوميكالىق بەلسەندى حالىق ەكەنىن اتاپ وتۋگە بولادى جانە تولەمنىڭ وسى ءتۇرى وشىرىلگەن جاعدايدا, ول QR-كودتى سكانەرلەۋمەن ءموبيلدى قوسىمشالار ارقىلى جول ءجۇرۋ ءۇشىن ارقاشان تولەي الادى», دەيدى نۇر-سۇلتان قالاسىنىڭ تسيفرلاندىرۋ جانە مەملەكەتتىك قىزمەتتەر باسقارماسىنىڭ باسشىسى بوتاگوز قاسابەك.
ءماسليحاتتىڭ №167/21-VI شەشىمىنە سايكەس قوعامدىق كولىكتە جولاقىسىن تولەۋدەن بوساتۋ تۇرىندەگى الەۋمەتتىك كومەك ازاماتتاردىڭ مىناداي ساناتتارىنا تيەسىلى: ۇلى وتان سوعىسىنىڭ قاتىسۋشىلارى مەن مۇگەدەكتەرىنە جانە ولارعا تەڭەستىرىلگەن ادامدارعا, جاسىنا بايلانىستى جانە ەڭبەك سىڭىرگەن جىلدارى بويىنشا زەينەتكەرلەرگە, سونداي-اق زەينەتكەرلىك جاسقا تولعان, جاسىنا بايلانىستى جانە اسىراۋشىسىنان ايىرىلۋ جاعدايى بويىنشا مەملەكەتتىك الەۋمەتتىك جاردەماقى الۋشىلارعا, كوپبالالى انالارعا, كوپبالالى وتباسىلارعا, مۇگەدەكتەرگە, 18 جاسقا دەيىنگى مۇگەدەك بالالارعا, ونىڭ ىشىندە اتا-اناسىنىڭ (زاڭدى وكىلدەرىنىڭ) بىرەۋىنە.
سونىمەن قاتار, ەلوردا اكىمى التاي كولگىنوۆتىڭ تاپسىرماسى بويىنشا جەكە مەكتەپ كولىك كارتاسىمەن ۆاليداتسيالانعان جاعدايدا ەلوردانىڭ وقۋ ورىندارىنىڭ جانە قىزمەت كورسەتىلەتىن قالا ماڭى ايماقتارىنىڭ وقۋشىلارىنا 7 جاستان 18 جاسقا دەيىن تەگىن جول ءجۇرۋ مۇمكىندىگى بەرىلدى.
2021 جىلدىڭ باسىنان بەرى جالپى جولاۋشىلار اعىنى 42 396 276 قۇرادى. كۇنىنە ورتا ەسەپپەن ولاردىڭ سانى – 403 600.
