وسى ۋاقىتقا دەيىن وبلىس اكىمى اپپاراتىنىڭ باسشىسى قىزمەتىن اتقارىپ كەلگەن قاناتبەك مادىبەك جامبىل وبلىسىنىڭ اكىمى بەردىبەك ساپارباەۆتىڭ وكىمى نەگىزىندە قازاقستان رەسپۋبليكاسى پرەزيدەنتى اكىمشىلىگىنىڭ جانە اۋداندىق ءماسليحات دەپۋتاتتارىنىڭ كەلىسىمىمەن تالاس اۋدانىنىڭ اكىمى بولىپ تاعايىندالدى. قاناتبەك مادىبەك كەزىندە سارىسۋ اۋدانىندا ەكى رەت اكىم بولعان تاجىريبەلى مامان.
ال تالاس اۋدانىنىڭ اكىمى بولىپ كەلگەن باقىت قازانباسوۆ بۇدان بىلاي بايزاق اۋدانىنىڭ اكىمى قىزمەتىن اتقاراتىن بولدى. باقىت قازانباسوۆ تا كەزىندە جامبىل اۋدانىن باسقارعان بىلىكتى كادر.
وسى ۋاقىتقا دەيىن وبلىستىق اۋىلشارۋاشىلىعى, تابيعي رەسۋرستار جانە تابيعات پايدالانۋدى رەتتەۋ باسقارمالارىنىڭ باسشىسى بولىپ جۇمىس ىستەگەن, سوڭعى كەزەڭدە بايزاق اۋدانىنىڭ اكىمى قىزمەتىندە بولعان نۇرجان نۇرجىگىتوۆ بۇگىننەن باستاپ جامبىل وبلىسى اكىمىنىڭ ورىنباسارى ورىنتاعىنا جايعاستى.
كۇنى بۇگىنگە دەيىن اتالعان لاۋازىمدا قىزمەت اتقارىپ كەلگەن بەرىك نىعماشەۆ ءوز ەركىمەن وتستاۆكاعا كەتۋ تۋرالى ءوتىنىش بەرگەن بولاتىن.
سونىمەن قاتار 2020 جىلعى قاڭتاردان باستاپ وسى كۇنگە دەيىن قازاقستان رەسپۋبليكاسى سىبايلاس جەمقورلىققا قارسى ءىس-قيمىل اگەنتتىگى سەرىكتەستىك دەپارتامەنتىنىڭ ديرەكتورى لاۋازىمىندا بولعان راسۋل مەدەتوۆ وبلىس اكىمى اپپاراتىنىڭ باسشىسى بولىپ بەكىتىلدى. ول پرەزيدەنتتىك جاستار كادرلىق رەزەرۆىنىڭ قۇرامىنا ەنگەن.
