وسىعان بايلانىستى بجزق جىل باسىنان بەرى بۇقارالىق اقپارات قۇرالدارىندا جانە حالىق اراسىندا ەڭبەكشىلەردى جۇمىس بابىمەن كوشىپ-قونۋ جاعدايىنداعى ءوز قۇقىقتارى تۋرالى اقپاراتتاندىرۋ ماقساتىندا ءتۇسىندىرۋ جۇمىستارىن جۇرگىزىپ كەلەدى. ەاەو-عا مۇشە مەملەكەتتەردە, ونىڭ ىشىندە قازاقستاندا جۇمىس بەرۋشىلەرمەن ەڭبەك قاتىناستارىن رەسمي رەسىمدەۋ قاجەتتىگىنە, ياعني ەڭبەك نەمەسە ازاماتتىق-قۇقىقتىق شارتتاردى مىندەتتى جانە ۋاقىتىلى جاساسۋعا ەرەكشە نازار اۋدارىلادى. بۇل كەلەشەكتە ەڭبەكشىلەرگە قازاقستاندىق زاڭنامادا كوزدەلگەن زەينەتكەرلىك جاسقا جەتكەن كەزدە وزدەرى قالىپتاستىرعان زەينەتاقى جيناقتارى ەسەبىنەن بجزق-دان زەينەتاقى تولەمدەرىن الۋ قۇقىعىن قامتاماسىز ەتەدى.
ايتا كەتۋ كەرەك, كەلىسىمنىڭ نەگىزگى ماقساتى – ەاەو-عا مۇشە مەملەكەتتەر ەڭبەكشىلەرىنىڭ زەينەتاقى قۇقىقتارىن جۇمىسقا ورنالاستىرۋشى مەملەكەتتىڭ ازاماتتارى سياقتى جاعداي مەن ءتارتىپ بويىنشا قالىپتاستىرۋ. بۇل ەاەو-عا مۇشە ءاربىر مەملەكەت ەاەو-عا مۇشە باسقا مەملەكەتتەردىڭ ازاماتتارىنا زەينەتاقىمەن قامسىزداندىرۋعا ارنالعان قۇقىقتاردى ءوز ازاماتتارىنا بەرىلەتىن قۇقىقتار كولەمىمەن بىردەي ەتىپ بەرۋگە كەپىلدىك بەرەدى دەگەندى بىلدىرەدى. ياعني, ەاەو-عا مۇشە ءاربىر مەملەكەت ەڭبەكشىلەردىڭ ءوز اۋماعىندا 2021 جىلعى 1 قاڭتاردان كەيىن جيناعان جۇمىس ءوتىلى ءۇشىن ءوز زاڭناماسى بويىنشا زەينەتاقى تولەيدى.
قازاقستاندا كەلىسىمدى ىسكە اسىرۋ بويىنشا قۇزىرەتتى ورگان بجزق بولىپ تابىلادى.
مىسالى, بجزق ماماندارى «فريلانسەرلەر» - ەاەو-عا مۇشە ەلدەردىڭ «قاشىقتان» جۇمىس ىستەيتىن ازاماتتارى ءۇشىن ەڭبەك شارتى نە ازاماتتىق-قۇقىقتىق سيپاتتاعى شارت شەڭبەرىندە, ونىڭ ىشىندە قاشىقتان جۇمىس ىستەيتىن وسىنداي جۇمىسكەردى تارتقان جۇمىس بەرۋشى جارنالاردى اي سايىن تولەۋگە مىندەتتى ەكەنىن ءتۇسىندىردى. بجزق-عا اۋدارىلاتىن مىندەتتى زەينەتاقى جارنالارىنىڭ مولشەرى ەڭبەككەردىڭ اي سايىنعى تابىسىنىڭ 10% قۇرايدى, بىراق ەڭ تومەنگى جالاقىنىڭ 50 ەسەلەنگەن مولشەرىنەن اسپايدى.
