جاعىمدى داۋىسپەن ايەل ادام حابارلاسىپ, مۇنىمەن بانكتىڭ قاۋىپسىزدىك قىزمەتى قىزمەتكەرىنىڭ سويلەسەتىنىن ايتىپ, تەلەفوندى باسقا ادامعا بەرگەن. ال ول الاياقتار جابىرلەنۋشىنىڭ شوتىن بۇعاتتاپ تاستاعانىن, ەندى جاڭا شوت اشۋ قاجەتتىگىن ايتقان.
الاياق سەنىمدى سويلەپ, پسيحولوگيالىق قىسىم كورسەتە وتىرىپ: «ەگەر ءسىز بۇلاي ىستەمەسەڭىز, ءوز اقشاڭىزدى ەشقاشان كورمەيسىز, شوتىڭىزدان وسىلاي جوعالىپ تۇرادى» دەپ يلاندىرعان. قۋلىعىنا كونىپ قالعان اۋىلدىق 2 ميلليون تەڭگەگە نەسيە الىپ, قاسكويلەر كورسەتكەن كارتوچكاعا اۋدارىپ, قۇپيا سوزدەرىن, sms-حابارلاماسىمەن كەلگەن كودتى بەرگەن. جۇمىسشى بايلانىس ۇزىلگەننەن كەيىن عانا الاياقتىڭ قۇربانى بولعانىن ءتۇسىنىپ, پوليتسياعا جۇگىنگەن.
«ەر ادام ايلانىڭ مۇنداي امالدارىن ەستىگەنىن, بىراق ەسكەرتۋلەرگە قۇلاق اسپاعانىن ايتتى», دەيدى ايىرتاۋ اۋدانى پوليتسيا ءبولىمىنىڭ باستىعى, پوليتسيا پولكوۆنيگى مارات سەركەشوۆ.
«اۋداندا ينتەرنەت-الاياقتىقتىڭ الدىن الۋ جۇمىستارى بەلسەندى جۇرگىزىلىپ جاتقانىن اتاپ كەتكەن ءجون. «كيبەرقىلمىسكەرلەردىڭ بەلسەندىلىگىنىڭ ارتقانى تۋرالى ەسكەرتۋلەر اۋداندىق گازەت بەتتەرىندە, پب Instagram-داعى اككاۋنتتارىندا جاريالانىپ تۇرادى. جاستاردى تارتا وتىرىپ چەللەندجدەر وتكىزىلىپ, بروشيۋرالار ۇلەستىرىلدى. پروفيلاكتيكالىق بەينەروليكتەر حقكو جانە ورتالىق اۋداندىق اۋرۋحانالاردا كورسەتىلۋدە. سولتۇستىكقازاقستاندىقتاردى پوليتسەيلەردىڭ ۇسىنىستارىنا قۇلاق اسۋلارىن سۇرايمىز», دەيدى ول.
سولتۇستىك قازاقستان وبلىسى
