اقپارات جانە قوعامدىق دامۋ ۆيتسە-ءمينيسترى بولات تىلەپوۆتىڭ حابارلاۋىنشا, بۇگىندە قازاق ءتىلدى ۇكىمەتتىك ەمەس ۇيىمدار سانى مەن ساپاسىن كوتەرۋ بويىنشا جۇمىستار قولعا الىنىپ جاتىر.
«قازاق ءتىلدى ۇەۇ بەلسەندى ازاماتتار وتە كوپ, جەكەلەگەن تۇلعالار بار, وسى تۇلعالاردىڭ اينالاسىندا الەۋمەتتىك ماڭىزى زور ءارتۇرلى ماسەلەلەردى كوتەرەتىن ۇەۇ كوبەيتۋىمىز كەرەك. مىسالى, بيىل ازاماتتىق باتامالاردى قولداۋ ورتالىعىنا 263 ءوتىنىش كەلىپ تۇسسە, سونىڭ 15% عانا, ياعني 42-ءسى عانا قازاق تىلىندە. سوندىقتان قازاق ءتىلدى ۇيىمداردىڭ بەلسەندىلىگىن ارتتىرىپ, ولاردىڭ وسى باعىتتاعى جۇمىستارعا بەلسەندى ارالاسۋى ۇلكەن مىندەت», دەدى ۆيتسە مينيستر ءوز جاۋابىندا.
ءوز كەزەگىندە, ازاماتتىق باستامالاردى قولداۋ ورتالىعىنىڭ باسقارما ءتورايىمى ليما دياس وقىتۋ مەن ءبىلىم بەرۋ باعدارلامالارىنا باسا نازار اۋدارىلاتىنىن جەتكىزدى. ونىڭ ايتۋىنشا, ۇەۇ اكادەمياسى بازاسىندا اۋىلدىق جانە قازاقتىلدى ۇەۇ مەن ازاماتتىق بەلسەندىلەردىڭ قۇزىرەتتىلىگى مەن بىلىكتىلىگىن ارتتىرۋ كۋرستارى اشىلادى. باسقارما ءتورايىمى بۇل قازاقتىلدى ۇەۇ-عا, سونداي-اق ءوز جۇمىسىن ەندى باستاعان ۇەۇ-عا قالالارداعى ۇيىمدارمەن, ونىڭ ىشىندە ورىس تىلىندە بىلىكتىلىكتى ارتتىرۋ بويىنشا كوپتەگەن ترەنينگتەرگە قاتىسقان ۇيىمدارمەن باسەكەگە تۇسۋگە مۇمكىندىك بەرەتىنىنە ءۇمىتىن ءبىلدىردى.
