اقپان ايىنىڭ باسىندا ەسىرتكىنى جاسىرىن ورىنعا سالماق بولعان كۇدىكتىلەردىڭ ءبىرى ۇستالدى. پوليتسەيلەر ءتىنتۋ كەزىندە ون بەس زيپلوكپەن تۇيىنشەكتى تاركىلەگەن. ساراپتاما ناتيجەسىندە ەڭ قاۋىپتى سينتەتيكالىق «مەفەدرون» تابىلدى.
كۇدىكتىنىڭ ايتۋىنشا, ول بۇل جۇمىستى تەلەگرام جەلىسى ارقىلى تاپقان. كوپ ۇزاماي پوليتسيا وسى جەلىنىڭ ۇيىمداستىرۋشىسىن قولعا ءتۇسىردى. ءبىرىنشى ۇستالعان جىگىت تاۋاردى وسى كىسىدەن العان. «ساتۋشىنىڭ» جالدامالى پاتەرىنەن ءتارتىپ ساقشىلارى ەسىرتكى وندىرەتىن شاعىن زەرتحانا مەن دايىن ءونىمدى, ياعني 160 گرامم «سينتەتيكانى» تاپتى.
– اتالعان فاكتىگە قاتىستى قر قىلمىستىق كودەكسىنىڭ 297-بابىنىڭ 3-بولىگى بويىنشا قىلمىستىق ءىس قوزعالدى. ۇستالعاندار پەتروپاۆل قالاسى پوليتسيا باسقارماسىنىڭ ۋاقىتشا ۇستاۋ يزولياتورىنا قامالدى, – دەدى سقو پد ەسىرتكى قىلمىسىنا قارسى ءىس-قيمىل باسقارماسىنىڭ باستىعى جاندوس باسىباەۆ.
