شىعىس قازاقستاندا 2021 جىلعى 16 ساۋىردەن 30 مامىر ارالىعىندا سۋ بيورەسۋرستارى مەن سۋ وبەكتىلەرىن قورعاۋ جانە ساقتاۋداعى زاڭ بۇزۋشىلىقتاردى انىقتاۋعا, الدىن الۋعا جانە جولىن كەسۋگە سونداي-اق ەكولوگيالىق قىلمىستاردى اشۋعا باعىتتالعان «نەرەست» جەدەل پروفيلاكتيكالىق ءىس-شاراسى وتۋدە.
ء«تورت كۇنى ىشىندە شقو-دا 70-كە جۋىق بالىق رەسۋرستارىن زاڭسىز اۋلاعانى انىقتالدى. 64 ادامعا قاتىستى جالپى سومماسى 1 ملن تەڭگەدەن استام اكىمشىلىك ايىپپۇلدار سالىندى», – دەدى شقو پد باستىعى ساعات ماديەۆ.
وسى جىلدىڭ 19 ساۋىرىندە شقو پد جپقب تابيعاتتى قورعاۋ جانە اۋماقتىق بالىق ينسپەكتسياسىنىڭ قىزمەتكەرلەرى مي-8 تىكۇشاعىمەن وسكەمەن قالاسى بۇقتىرما سۋ قويماسىنىڭ جاعالاۋ سىزىعى بويىمەن – بۋكون وزەنىنىڭ ساعاسى – «تورانگا» شىعاناعى – جولنۇسقاۋ اۋىلى – امانات اۋىلى – شەڭگەلدى اۋىلى – قارا ەرتىس وزەنىنىڭ ساعاسى – تۇعىل اۋىلى – «ۆولچي مىس» – شورعا اۋىلى – زايسان كولىنىڭ سولتۇستىك باتىستاعى تىيىم سالىنعان بولىگىن اۋەدەن شولۋ ارقىلى باقىلاۋ جۇرگىزدى.
سونداي-اق قىزمەتكەرلەر ۇلان, كۇرشىم, تارباعاتاي جانە كوكپەكتى اۋداندارىنىڭ اڭشىلىق القاپتارىن تەكسەردى. اۋەدەن شولۋ ارقىلى باقىلاۋ بارىسىندا ءنومىرى جوق 18 ديۋرالدى قايىق تابىلدى. «راحمەتوللا» ۋچاسكەسىندە قىزمەتكەرلەر ەكى رەزەڭكە قايىق, ەسكەك, قايىق موتورى مەن قاپشىقتاعى اۋلاردى انىقتادى. بارلىق زاتتاي دالەلدەمەلەر بالىق ينسپەكتسياسىنا جولداندى. بارلىق يەسىز قايىقتار مەن بالىقشىلارعا بەينەتۇسىرىلىم جۇرگىزىلىپ, ورنالاسۋ ورىندارىنىڭ كارتاسىندا بەلگى قويىلدى.
اقپارات كۇرشىم, تارباعاتاي, كوكپەكتى اۋداندىق پوليتسيا قىزمەتكەرلەرىنە جولداندى. بالىق اۋلاۋدىڭ نورمالارى مەن قاعيدالارىن بۇزعانى ءۇشىن اكىمشىلىك جاۋاپكەرشىلىك (قر اقبتك-ءنىڭ 381-بابى) قانا ەمەس, قىلمىستىق جاۋاپكەرشىلىك (قر قك-ءنىڭ 335-بابى) قاراستىرىلعانىن ەستە ۇستاعان ءجون.
