ايماقتار • 21 ءساۋىر، 2021

وسكەمەندە كوپقاباتتى ءۇيدىڭ قابىرعاسى قارس ايىرىلدى

130 رەت كورسەتىلدى

بۇگىن تاڭعا جۋىق وسكەمەندەگى تاعى ءبىر جاڭا ءۇيدىڭ قابىرعاسى قاقىراپ كەتتى. تاعى دەپ وتىرعانىمىز، ءدال وسىنداي وقيعا وتكەن جىلدىڭ جەلتوقسانىندا دا بولعان، دەپ حابارلايدى Egemen.kz

21 ءساۋىر كۇنى وبلىس ورتالىعىنداعى باۋىرجان مومىش ۇلى كوشەسىندەگى №14 ءۇيدىڭ سايدينگىن جەل ج ۇلىپ جىبەرگەن.

– تاڭعى سارەمىزدى ءىشىپ وتىرعامىز. ءۇش جارىمعا قاراي تارسىلداعان داۋىس ەستىلدى. اتىس باستالىپ كەتتى مە دەپ ويلادىق. سويتسەك، ءتورتىنشى مەن بەسىنشى پودەزدىڭ اراسىنداعى قاپتاما اجىراپ كەتىپتى. وتكەندە «نۇر وتان»، «شىعىس ادالدىڭ الاڭى» وكىلدەرى كەلگەندە تۇرعىندار «اناۋ جەر قۇلايدى» دەپ ايتقان. ءمان بەرگەن ەشكىم بولمادى. تاعى قاۋساپ تۇرعان جەرلەرى بار، – دەيدى قابىرعاسى قارس ايىرىلعان ءۇيدىڭ تۇرعىنى گۇلجانات ورالباەۆا.

قالا باسشىلىعىنىڭ ايتۋىنشا، بۇل ۇيگە تاپسىرىس بەرۋشى، «قازاقستاندىق يپوتەكالىق كومپانياسى» مەن «بايتەرەك دەۆەلوپمەنت» اق. ال مەردىگەر كومپانيا «كۇرشىم قۇرىلىس» جشس.

– تاپسىرىس بەرگەن دە، قابىلداپ العان دا «قازاقستاندىق يپوتەكالىق كومپانياسى» مەن «بايتەرەك دەۆەلوپمەنت» اق وكىلدەرى. بۇرىن مەملەكەتتىك كوميسسيا قابىلدايتىن. زاڭداعى ول ءبولىمدى بەس جىل بۇرىن الىپ تاستاعان. ءسويتىپ وزدەرى قابىلداپ، بانك ارقىلى ساتقان. كەپىلدىك بار. قازىر سايدينگتى قايتا قالپىنا كەلتىرىپ جاتىر. بىراق، بۇل جاعداي قايتالانا بەرۋى مۇمكىن، – دەيدى وسكەمەن قالاسى اكىمىنىڭ كەڭەسشىسى الىبەك تۇرسىمبەتوۆ.

سوڭعى جاڭالىقتار

اراق ساتىلمايتىن اۋدان

ايماقتار • كەشە

ەرلىككە تولى سۋرەتتەر

رۋحانيات • كەشە

ۇقساس جاڭالىقتار