ايماقتار • 21 ءساۋىر، 2021

قوعامدىق كولىكتەگى قوردالانعان ماسەلە

5 رەت كورسەتىلدى

سەمەيدە قالاىشىلىك اۆتوبۋستاردىڭ كەستەگە سايكەس جۇرمەۋىنە حالىق نارازىلىق ءبىلدىرىپ كەلە جاتقانى بەلگىلى. سوندىقتان بولسا كەرەك، جۋىقتا سەمەي اكىمدىگى مەن «Semey Bus» جشس وكىلدەرى ەكى اراداعى كەلىسىمشارتتى توقتاتاتىن بولدى. ال «قدب-ليزينگ» اق كاسىپورىننىڭ دەفولتىن جاريالادى. ەندى قالا باسشىلىعى كەلەسى كونكۋرستى وتكىزىپ، جاڭا تاسىمالداۋشىمەن كەلىسىمشارت جاساسقانعا دەيىن «سەماۆتوپارك» جشس جۇمىسقا كىرىسەدى.

وسى ورايدا سەمەي اكىمى مەن «سەماۆتوپارك» جشس وكىل­دە­رى «Semey Bus» جشس قىز­مەت­كەر­لە­رىمەن كەزدەستى.

 – مەن ءبىر جارىم جىلدان كەيىن بۇرىنعى كومپانيا سياقتى جاع­دايعا تاپ بولعانىمىزدى قا­لا­­مايمىن. سوندىقتان جالا­قى­نى ءبىر كەستەگە سايكەس 300-350 مىڭ تەڭگە ارالىعىندا تولەۋ قا­راس­تى­رىلادى. جۇ­مىس اۋىرلىعىنا قاراي جالا­قى قو­سىلۋى دا مۇمكىن. كوندۋك­تور­لار­عا كەلسەك، ءبىز ولارمەن دە ەكى ايعا كەلىسىمشارتقا قول قويا­مىز. جا­لا­قى كەستە بويىنشا 150-180 مىڭ تەڭگە ارالىعىندا تولەنۋىن قاراس­­تى­را­مىز. بارلىعىن رەسمي تۇردە جۇ­مىس­قا ورنالاستىرا­مىز. ەش الاڭسىز جالاقى الى­پ، ءوز جۇمىستارىڭىزدى اتقارا بەرەسىزدەر، – دەدى «سەماۆ­تو­پا­رك» جشس باس ديرەكتورى گريگوري پينچۋك.

كونكۋرس جاريالانعانعا دەيىنگى وتپەلى كەزەڭدە «سەماۆ­تو­پاركتىڭ» 75 اۆتوبۋسى ىسكە قوسى­لادى. پارك باسشىلىعى العاش­قى كۇندەرى كەيبىر كە­لەڭ­­سىز جاعدايلار بولۋى مۇم­كىن ەكەندىگىن دە جوققا شىعار­ماد­ى. ويتكەنى تەحنيكالار ۇزاق ۋاقىت جۇمىسسىز تۇرىپ قال­عان. دەگەنمەن اۆتوپارك باسشىلىعى اۆتو­بۋستاردىڭ بارلىعى دەرلىك جولدا ەكەند­ىگىن مالىمدەدى. اۆتوبۋستاردىڭ قوز­­عا­لىس كەستەسى بۇرىنعىداي بول­عا­نىمەن، الداعى ۋاقىتتا وزگە­رىس­تەر ەن­گىزىل­ۋى مۇمكىن.

 – ءبىز تەندەر وتكىزگەنگە دەيىن كولىك باسقارماسىمەن جانە قالا­لىق باس­شى­لىقپەن قالا تۇر­عىندارىن تول­عان­­دىرعان كەي­بىر ماسەلەلەردى قايتا قاراي­تىنىمىزدى ايتتىق. كەي­بىر شا­عىن اۋداندار كولىك قا­تى­ناسىمەن از قامتىلعانىن جاقسى تۇسىنەمىز. بەلگىلى ءبىر مول­شەر­دە ءوز ۇسىنىستارىمىزدى ەنگى­زە­مىز. بيزنەس ءۇشىن دە، قالا تۇر­عىن­دا­رى ءۇشىن دە ءبارى قالىپتى ءارى ىڭعايلى بولاتىنداي ەتىپ جاسايمىز، – دەدى گ.پينچۋك.

قالا اكىمى نۇرىمبەت ساق­تا­عا­نوۆ­تىڭ ايتۋىنشا، «Semey Bus» جشس بۇگىندە زاڭسىز دەپ تانىلدى. بارلىق ەسەپشوتتارى بۇعاتتالىپ تۇر. بۇل اۆتو­پاركتىڭ قىزمەتكەرلەرى ەن­دى قايتادان بۇرىنعى جۇمىس ورنىنا اۋىسىپ جاتىر.

 – ءبىز «Semey Bus» اۆتوپاركىنە دەيىن «سەماۆتوپاركتە» جۇمىس ىستە­دىك. الدىمەن جالاقى ۋاقى­تىن­دا تولەندى، سودان كەيىن كەشى­كتىرىلە باستادى. سوندا ەكى جىل جۇمىس ىستەدىم، زەينەتاقى جار­نا­سى ءالى تولەنبەدى. ساقتاندىرۋدى جا­قىن­دا عانا تولەدىم. اۋرۋحا­نا­عا با­رۋ­دىڭ ءوزى مۇڭ بولدى. نەسيە الۋدان قال­دىق. اۆتو­پا­رك بانكروتقا ۇشىرادى، نە ىستەۋ كەرەكتىگىن بىلمەيمىز. امال جوق، بۇرىنعى جۇمىس ورنىمىزعا ورالامىز. ەكى وتتىڭ ورتاسىندا قالعانداي بول­­دىق. قايدا بارىپ جۇمىس ىستە دەسە، سوندا بارامىز، – دەي­دى اۆتوبۋس جۇرگىزۋشىسى اسحات سارباسوۆ.

جالپى، «سەماۆتوپارك» وكىل­دەرى كاسىپورىن تولىق كولەم­دە پايدالانۋعا دايىن ەكە­نىن مالىمدەدى. الايدا قالا باعىت­تا­رىندا «سەماۆتوپارك» جشس اۆتوبۋستارىمەن قاتار، «Semey Bus» اۆتوبۋستارى دا جۇمىس ىس­تەي­دى. جاسىل اۆتوبۋستاردا ەلەك­تروندى بيلەتتەندىرۋ ءالى بار. سونداي-اق اۆتوبۋس باعىتىن «Infobus» قوسىمشاسى ارقىلى كورۋگە بولادى. سەمەي اكىمدىگى ەلەكتروندى بيلەتتەۋ «سەماۆتوپارك» جشس اۆتوبۋستارىنا دا ەنگىزىلەتىندىگىن ايتىپ سەندىردى. ازىرگە وندا جولاقى قولما-قول اقشامەن عانا تولەنەدى. جول ءجۇرۋ باعاسى – 80 تەڭگە.

 

سەمەي

 

سوڭعى جاڭالىقتار

ەرلىككە تولى سۋرەتتەر

رۋحانيات • بۇگىن، 13:05

كيىكتەردىڭ تولدەۋ كەزەڭى باستالدى

فوتوگالەرەيا • بۇگىن، 12:07

«بارىستىڭ» العاشقى ترانسفەرى

حوككەي • بۇگىن، 08:50

«ءان» بە، «ءۇن» بە؟

رۋحانيات • بۇگىن، 08:36

جۋرناليست قاسىم

رۋحانيات • بۇگىن، 08:34

ءسوز سويىل: ءازىل-وسپاق

رۋحانيات • بۇگىن، 08:32

دالالىق وركەنيەت تاعىلىمى

تاريح • بۇگىن، 08:23

بالاباقشانىڭ جوعىنان بارى جاقسى

ايماقتار • بۇگىن، 08:18

كاسىپكە باۋلۋ – قاسيەتتى بورىش

ايماقتار • بۇگىن، 08:16

اتى-جونىمىزگە اباي بولايىق

قوعام • بۇگىن، 08:14

ءۇي ىشىندەگى ۇيلەسىم

پىكىر • بۇگىن، 08:06

قوي باققان وزار...

ايماقتار • بۇگىن، 08:03

حالىقارالىق قۇجاتتار قابىلداندى

قازاقستان • بۇگىن، 07:58

ايسبەرگ اقيقاتى

ادەبيەت • كەشە

جوق كىتاپتى ىزدەۋ

ادەبيەت • كەشە

كرەست-كەدەرگى...

ادەبيەت • كەشە

ۇقساس جاڭالىقتار