2006 جىلعى تابىس پەن مۇلiككە سالىناتىن سالىققا قاتىستى قوسارلانعان سالىق سالۋدى بولدىرماۋ جانە سالىق سالۋدان جالتارۋعا جول بەرمەۋ تۋرالى كونۆەنتسيانىڭ ەرەجەلەرىنە سايكەس, قازاقستان مەن ارمەنيا قارجى مينيسترلىكتەرى قوسارلانعان سالىق سالۋدىڭ الدىن الۋ ماقساتىندا كولىك قۇرالدارىنا سالىق سالۋ بويىنشا ءوزارا ۋاعدالاستىققا قول جەتكىزدى.
«ەلىمىزدىڭ ازاماتتارى قازاقستاننىڭ اۋماعىنا اكەلگەن اۆتوكولىكتەر بۇگىنگە دەيىن ارمەنيانىڭ ۋاكىلەتتى ورگاندارىندا تىركەۋ ەسەبىنەن شىعارىلماعان سوڭ, ەكى مەملەكەت تە وسىنداي كولىك قۇرالدارىنا سالىق سالۋعا حاقىلى.
ءتيىستى كەلىسسوزدەر ناتيجەسىندە ارمەنيادان 2020 جىلدىڭ 1 اقپانىنا دەيىن اكەلىنىپ, مەنشىك قۇقىعى بويىنشا قازاقستاننىڭ رەزيدەنتتەرىنە تيەسىلى اۆتوكولىكتەرگە كونۆەنتسيانىڭ 21-بابى 4-تارماعىنا سايكەس, ەلىمىزدىڭ ىشكى ىستەر مينيسترلىگىندە تىركەۋ ەسەبىنە قويىلعان ساتتەن باستاپ, ۇلتتىق زاڭناما بويىنشا قازاقستاندا عانا سالىق سالىنادى. بۇل ماقساتتا ەكى مەملەكەتتىڭ سالىق ورگاندارى ەلىمىزدە تىركەلگەن كۇنىن كورسەتە وتىرىپ, وسى كولىك قۇرالدارى بويىنشا مالىمەتتەر الماساتىن بولادى. مۇنداي كولىك قۇرالدارىنا قوسارلانعان سالىق سالۋ ماسەلەسى تۋىندامايدى», دەدى قارجى مينيسترلىگىنىڭ وكىلدەرى.
سالىق كودەكسىنىڭ نورمالارىنا سايكەس, كولىك سالىعىن تولەۋ مىندەتى جىلجىمالى م ۇلىكتى قازاقستاننىڭ مەملەكەتتىك ورگاندارىندا ەسەپكە قويعان كۇننەن باستاپ جۇكتەلەدى. اتاپ ايتقاندا, ەگەر دە كولىك قۇرالى بىلتىر قاراشادا تىركەلسە, بيىلعى ساۋىردەن كەشىكتىرمەي 2020 جىلدىڭ قاراشا-جەلتوقسان ارالىعىنا بايلانىستى بيۋدجەتكە كولىك سالىعىن تولەۋ قاجەت. بۇل مىندەت ورىندالماعان جاعدايدا ءار وتكىزىلگەن كۇن ءۇشىن ءوسىمپۇل ەسەپتەلەدى.
