ساياسات • 21 ءساۋىر، 2021

جەكە كۋالىكتىڭ قاجەتى بولمايدى

246 رەت كورسەتىلدى

قازىر ەلىمىزدە تسيفرلى دامۋ ماسەلەسى كۇن تارتىبىنەن تۇسپەي تۇر. جاڭاشىل باعىت قاپتاعان قاعاز قۇجاتتار اينالىمىن ازايتىپ، كەز كەلگەن سالاداعى قىزمەتتى تۇتىنۋ كەزىندە ساپا­نى ارتتىرىپ، ۋاقىتتى ۇنەمدەۋگە نەگىزدەلگەن. ەندى ازامات­ت­اردىڭ نوتاريالدىق كەلىسىم جاساۋ كەزىندە جەكە كۋالىكتى قولدانباي-اق قويۋىنا مۇمكىندىك بەرەتىن قىزمەت ىسكە قوسىلماق.

جاڭاشىل باستامانىڭ تاعى ءبىر ەرەكشەلىگى – QR-كود كومە­گىمەن نوتاريۋستا رەسىمدەلگەن كەز كەلگەن قۇجاتتىڭ قانشالىق­تى تۇپنۇسقا نەمەسە جالعان ەكەنىن دە اجىراتۋعا بولادى.

ادىلەت ۆيتسە-ءمينيسترى ازا­مات امىرعاليەۆتىڭ ايتۋىنشا، مينيسترلىك پەن رەسپۋبليكالىق نوتاريالدىق پالاتا بىرلەسىپ قولعا الىپ وتىرعان جوبا اياسىندا ە-نوتاريات اقپاراتتىق جۇيەسى مەن egov mobile قوسىم­شاسىن دا ينتەگراتسيالاۋ كوز­دەل­گەن.

ينتەگراتسيا وسى اپتادا اياق­تالادى. كەلەسى اپتادان باستاپ ەل ازاماتتارى نوتاريالدىق قىزمەت كورسەتۋ كەزىندە ەلەكتروندى جەكە كۋالىكتەرىن پايدالانا الادى.

– كەلەسى جىلدان باس­تاپ بىرىڭعاي نوتارياتتىق اقپارات­تىق جۇيەدە نوتارياتتىق قۇجات­تاردى ساقتاۋ ءۇشىن ورتالىق­تاندىرىلعان ەلەكتروندى رەپو­زيتوريدى قۇرۋ جوسپارلانۋدا. بولاشاقتا نوتاريۋستار قا­عاز ارحيۆىنەن باس تارتادى. 2021 جىلدىڭ 1 شىلدەسىنەن باس­تاپ جىلجىمايتىن م ۇلىك پەن مامىلەلەردى رەسىمدەۋ كەزىندە ەكس-اۋماقتىلىق ەنگىزىلەدى. ەگەر بۇرىن جىلجىمايتىن م ۇلىكپەن جاسالعان مامىلەلەر نوتاريۋستىڭ ورنالاسقان جەرى بويىنشا كۋالاندىرىلعان بول­­سا، ەندى تاراپتار ونىڭ ور­نا­­­لاس­قان جەرىنە قاراماستان كەز كەلگەن نوتاريۋسقا جۇگىنە الادى. بۇدان باسقا، ءاربىر نوتارياتتىق ءىس-ارەكەتكە QR-كود بەرىلەدى. بۇل بىرەگەي بولىپ تابىلادى جانە قۇجاتتى بۇرما­لاۋدان قورعاۋدى قام­تا­ما­سىز ەتەدى. حالىققا ىڭعاي­لى بولۋ ءۇشىن ەلەكتروندى قۇ­جات­تىڭ قاعاز قۇجاتقا تەڭ ەكەن­دىگىن كۋالاندىرۋ بويىنشا نوتارياتتىق ءىس-ارەكەتتەر ەنگىزىلدى جانە كەرىسىنشە، بۇل ازاماتتارعا قاجەتسىز جول جۇرۋ­دەن، پوشتامەن جانە كۋرەرلەر ارقىلى جىبەرۋدەن قۇتىلۋعا مۇم­كىندىك بەرەدى، – دەيدى ۆيتسە-مينيستر.

سەنىمحاتتىڭ تۇپنۇسقالى­عىن QR-كود بويىنشا سمارت­فون­داعى قوسىمشانىڭ كومەگى­مەن نەمەسە قۇجاتتىڭ ساندىق كو­دى بويىنشا enis.kz سايتىندا سەرۆيس – سەنىمحاتتى تەكسەرۋ بولىمىندە تەكسەرۋگە بولادى.

سونىمەن قاتار نوتارياتتىق قۇپيا ۇعىمى انىقتالىپ، ونى ساقتاۋعا مىندەتتى ادام­دار توبى قۇرىلماق. شاعىم­دار­دى رەسپۋبليكالىق دەڭ­گەي­دە قارايتىن ورگان زاڭ­دى تۇردە بەكىتىلدى. ەن­دى جەرگى­لىكتى جەرلەردەگى تار­تىپتىك كو­ميس­سيالاردىڭ شەشىم­دەرى­مەن كەلىسپەگەن جاعدايدا ازا­ماتتارعا جاڭادان قۇرىلعان ورگانعا شاعىمدانۋعا مۇمكىندىك بەرىلدى.

سوڭعى جاڭالىقتار

«بارىستىڭ» العاشقى ترانسفەرى

حوككەي • بۇگىن، 08:50

«ءان» بە، «ءۇن» بە؟

رۋحانيات • بۇگىن، 08:36

جۋرناليست قاسىم

رۋحانيات • بۇگىن، 08:34

ءسوز سويىل: ءازىل-وسپاق

رۋحانيات • بۇگىن، 08:32

دالالىق وركەنيەت تاعىلىمى

تاريح • بۇگىن، 08:23

بالاباقشانىڭ جوعىنان بارى جاقسى

ايماقتار • بۇگىن، 08:18

كاسىپكە باۋلۋ – قاسيەتتى بورىش

ايماقتار • بۇگىن، 08:16

اتى-جونىمىزگە اباي بولايىق

قوعام • بۇگىن، 08:14

ءۇي ىشىندەگى ۇيلەسىم

پىكىر • بۇگىن، 08:06

قوي باققان وزار...

ايماقتار • بۇگىن، 08:03

حالىقارالىق قۇجاتتار قابىلداندى

قازاقستان • بۇگىن، 07:58

ايسبەرگ اقيقاتى

ادەبيەت • كەشە

جوق كىتاپتى ىزدەۋ

ادەبيەت • كەشە

كرەست-كەدەرگى...

ادەبيەت • كەشە

شاڭىراق – «شاعىن وتانىڭ»

قازاقستان • كەشە

ۇقساس جاڭالىقتار