بۇگىنگى تاڭدا ەلىمىزدىڭ 18 532 مىڭ حالىق سانىنان 9 836 مىڭ ادام تابيعي گازعا قول جەتكىزدى, سونىڭ ىشىندە 4 ملن ادام – اۋىلدىق ەلدى مەكەن تۇرعىندارى.
گازداندىرۋ دەڭگەيى 90%-دان اساتىن نەعۇرلىم گازداندىرىلعان وڭىرلەر: اتىراۋ وبلىسى – 99,6%, ماڭعىستاۋ وبلىسى – 99%, الماتى قالاسى – 98,8%, باتىس قازاقستان وبلىسى – 96,5%, شىمكەنت قالاسى – 92,1% جانە اقتوبە وبلىسى – 90,1%.
قازىرگى ۋاقىتتا رەسپۋبليكا وڭىرلەرىن ودان ءارى گازداندىرۋ بويىنشا جۇمىستار جۇرگىزىلۋدە.
«قولدانىستاعى جانە پەرسپەكتيۆالى گازداندىرۋ جوبالارى بويىنشا تالداۋ جۇرگىزە وتىرىپ, اۋىلدىق ەلدى مەكەندەردى گازداندىرۋدىڭ بولجامدى جوسپارى جاسالدى, وعان سايكەس 2025 جىلعا قاراي قوسىمشا شامامەن 246 اۋىلدىق ەلدى مەكەندى نەمەسە 900 مىڭ ادامدى گازداندىرۋ كۇتىلۋدە», دەدى ن. نوعاەۆ.
ءمينيستردىڭ ايتۋىنشا, ونىڭ ىشىندە 2021 جىلى – 52 اۋىلدىق ەلدى مەكەن نەمەسە 389 مىڭ ادام, 2022 جىلى – 49 اۋىلدىق ەلدى مەكەن, 2023 جىلى – 76 اۋىلدىق ەلدى مەكەن, 2024 جىلى – 31 اۋىلدىق ەلدى مەكەن جانە 2025 جىلى – 43 اۋىلدىق ەلدى مەكەن گازداندىرىلادى.
گازداندىرۋدىڭ جەدەل قارقىنى جانە قارجىلاندىرۋدىڭ مالىمدەلگەن سومالارىن قولداۋ ەنەرگەتيكا مينيسترلىگىنىڭ ەلدى مەكەندەردى گازداندىرۋ جول كارتاسىندا بەلگىلەنگەن كورسەتكىشتەرگە جوسپارلى تۇردە قول جەتكىزۋگە, ياعني 2025 جىلعا قاراي ەلىمىزدىڭ 1 718 ەلدى مەكەنىن, سونىڭ ىشىندە 1 674 اۋىلدىق ەلدى مەكەندى گازداندىرۋعا مۇمكىندىك بەرەدى. سونىڭ ناتيجەسىندە 11,05 ملن ادام, ونىڭ ىشىندە اۋىلدىق ەلدى مەكەندەردە تۇراتىن 4,9 ملن ادام كوگىلدىر وتىنعا قول جەتكىزەدى.
«بۇل ماسەلە مينيسترلىكتىڭ تۇراقتى باقىلاۋىندا», دەدى ن. نوعاەۆ.
