ۆەدومستۆونىڭ اپپارات جيىنىندا ءبىلىم جانە عىلىم سالاسىنداعى باقىلاۋ كوميتەتىنىڭ ءتورايىمى گۇلزات كوبەنوۆا وسىنداي دەدى.
«عىلىمي كادرلاردى دايارلاۋ جانە PhD دارەجەسىن بەرۋ وزەكتى ماسەلەلەردىڭ ءبىرى. ساراپشىلاردىڭ پىكىرىنشە, PhD-دوكتورانتۋرا باعدارلاماسى 10 جىلدان استام ۋاقىتتان بەرى جۇزەگە اسىرىلىپ كەلە جاتقانىنا قاراماستان, قورعاۋ مەحانيزمى كانديداتتىق ديسسەرتاتسيالاردى قورعاۋ فورماتىندا قالىپ قويعان», دەدى گۇلزات كوبەنوۆا.
مامان جوعارى وقۋ ورىندارىنىڭ جانىنان قۇرىلعان ديسسەرتاتسيالىق كەڭەستەر ءوز جۇمىسىندا فورمالدىلىققا ءجيى باراتىنىن ايتادى.
«ديسسەرتاتسيالىق كەڭەستەردىڭ قىزمەتىن تالداۋ ناتيجەسىندە بىرقاتار پروبلەما انىقتالدى. ونىڭ ىشىندە قورعاۋ جانە رەتسەنزيالاۋ راسىمدەرىنىڭ فورمالدى تۇردە ءوتۋى, ديسسەرتاتسيالىق كەڭەس جاۋاپكەرشىلىگىنىڭ تومەندەۋى سياقتى ماسەلەلەر بار. ديسسەرتاتسيانىڭ مازمۇنى بويىنشا ماڭىزدى ەسكەرتۋلەر بولسا دا, PhD دارەجەسى بەرىلىپ وتىر. ساراپشىلارمەن بىرنەشە رەت تالقىلاپ, حالىقارالىق تاجىريبەنى ەسكەرە وتىرىپ, ديسسەرتاتسيالىق كەڭەس پەن ديسسەرتاتسيانى قورعاۋ ەرەجەلەرىنە وزگەرىستەر ەنگىزىلدى», دەدى گۇلزات كوبەنوۆا.
