تاعايىنداۋ • 20 ءساۋىر، 2021

جامبىل وبلىسى اكىمدىگىنىڭ ەكى باسقارماسىنا جاڭا باسشى تاعايىندالدى

161 رەت كورسەتىلدى

جامبىل وبلىسى اكىمىنىڭ وكىمىمەن مۇرتازا جالعاس ءاليجان ۇلى جامبىل وبلىسى اكىمدىگىنىڭ تۋريزم باسقارماسىنىڭ باسشىسى بولىپ تاعايىندالدى، دەپ حابارلايدى Egemen.kz.

مۇرتازا جالعاس ءاليجان ۇلى 1988 جىلى جامبىل وبلىسى جۋالى اۋدانىندا تۋعان، ءبىلىمى جوعارى.

2009 جىلى ل.ن. گۋميلەۆ اتىنداعى ەۋرازيا ۇلتتىق ۋنيۆەرسيتەتىن «مەملەكەتتىك باسقارۋ» ماماندىعى بويىنشا بىتىرگەن.

ەڭبەك جولىن 2010 جىلى قازاقستان رەسپۋبليكاسى قۇرىلىس جانە تۇرعىن ءۇي-كومممۋنالدىق شارۋاشىلىق ىستەرى اگەنتتىگىندە بۋحگالتەر بولىپ باستاعان.

2020 جىلعى ماۋسىم ايىنان بۇگىنگى كۇنگە دەيىن جامبىل وبلىسى اكىمىنىڭ اپپاراتىنىڭ وڭىرلىك باقىلاۋ جانە ۇيىمداستىرۋ-ينسپەكتورلىق جۇمىسى ءبولىمىنىڭ باسشىسى لاۋازىمىندا قىزمەت اتقارىپ كەلدى.

سونىمەن قاتار، جامبىل وبلىسى اكىمىنىڭ وكىمىمەن ورۋمباەۆ ەرلان قۇرمانتاي ۇلى جامبىل وبلىسى اكىمدىگىنىڭ قۇرىلىس باسقارماسىنىڭ باسشىسى بولىپ تاعايىندالدى.

ورۋمباەۆ ەرلان قۇرمانتاي ۇلى 1978 جىلى جامبىل وبلىسىنىڭ قورداي اۋدانىندا تۋعان، ءبىلىمى جوعارى («ينجەنەر-مەحانيك»، «قۇقىقتانۋ» ماماندىقتارى بويىنشا بىتىرگەن).

ەڭبەك جولىن 2000 جىلى قورداي اۋدانى اكىمىنىڭ جاستار ءىسى، سپورت جانە تۋريزم  باسقارماسىندا باس مامان بولىپ باستاعان.

ءار جىلدارى قورداي اۋدانى اكىمىنىڭ جاستار ءىسى، سپورت جانە تۋريزم باسقارماسىنىڭ باستىعى، قورداي اۋدانى اكىمى اپپاراتىنىڭ باس ينسپەكتورى، قورداي اۋداندىق سپورت ءبولىمىنىڭ مەڭگەرۋشىسى، قورداي اۋداندىق ءماسليحاتىنىڭ تەكسەرۋ كوميسسياسىنىڭ توراعاسى، «نۇر وتان» حدپ قورداي اۋداندىق فيليالى توراعاسىنىڭ ءبىرىنشى ورىنباسارى، «Romaks KZ» جشس لوگيستيكا ءبولىمىنىڭ مامانى، ءبولىم باسشىسى، قورداي اۋدانى اكىمى اپپاراتىنىڭ باس مامانى، جامبىل وبلىسى اكىمى اپپاراتىنىڭ ۇيىمداستىرۋ-ينسپەكتورلىق بولىمىندەگى وبلىس اكىمىنىڭ باس ينسپەكتورى، جامبىل وبلىسى اكىمى اپپاراتىنىڭ قارجى-ەكونوميكالىق ءبولىمىنىڭ باسشىسى قىزمەتتەرىن اتقارعان. قورداي اۋداندىق ءماسليحاتىنىڭ V شاقىرىلىمىنداعى دەپۋتاتى بولعان.

2018 جىلعى تامىز ايىنان باستاپ بۇگىنگى كۇنگە دەيىن قورداي اۋدانى اكىمىنىڭ ورىنباسارى لاۋازىمىندا قىزمەت اتقارىپ كەلدى.

سوڭعى جاڭالىقتار

ۇقساس جاڭالىقتار