قوعام • 20 ءساۋىر، 2021

قۇندىلىقتاردى ناسيحاتتايدى

77 رەت كورسەتىلدى

قازاقستاندا وتباسىلىق قۇندىلىقتاردى نىعايتۋ جونىندەگى رەسپۋبليكالىق فرونت-وفيس ءوز جۇمىسىن باستادى. بۇل تۋرالى EN BAQYTTY El قوعامدىق قورىنىڭ ديرەكتورى كاميلا سۇلەيمەنوۆا «جاستار اراسىندا وتباسىلىق قۇندىلىقتاردى نىعايتۋ جونىندەگى شارالاردى ينستيتۋتتاندىرۋ» جوباسىنىڭ باستالۋىنا ارنالعان ونلاين ءباسپاسوز-كونفەرەنتسياسى بارىسىندا حابارلادى.

ءتۇرلى فورماتتا ونلاين-سەمينارلار مەن ترەنينگتەر وتكىزۋ ارقىلى فرونت-وفيس جۇمىسى جاستارعا كونسۋلتاتسيالىق كو­مەك كورسەتۋگە باعىتتالاتىنى بەلگىلى بولدى. «وتباسى-نەكە قاتى­ناستارى ماسەلەلەرى بويىنشا جاستارعا جانە وتباسىلارعا كونسۋلتاتسيالىق قىزمەت كورسەتۋ بويىنشا ارنايى ادىستەمەلىك وقۋلىقتار شىعارۋ جوسپارلانۋدا. ناتيجەسىندە، وتباسىلىق قۇن­دىلىقتاردى نىعايتۋ، وتباسىن بىرىكتىرۋ جانە پسيحولوگيالىق ساۋ قوعامدى دامىتۋ ماڭىزدىلىعى تۋرالى اقپاراتتاندىرىلعان ازاماتتاردىڭ سانى ارتادى»،  دەدى كاميلا سۇلەيمەنوۆا.

جاستار جانە وتباسى ىستەرى كوميتەتىنىڭ توراعاسى شاحماردان بايمانوۆ جوبانىڭ باستالعانىن رەسمي تۇردە جاريالادى. ول قۇتتىقتاۋ سوزىندە: «جاستاردىڭ اعارتۋشىلىق قىزمەتىن الەۋمەتتىك جەلىلەر، Yوtube ارناسى ارقىلى جۇرگىزۋ جانە جوبانىڭ بارىنشا كوپ قاتىسۋشىلارىن قامتۋعا جانە قازاقستاندىقتارعا وتباسىلىق قۇندىلىقتاردى دارىتۋعا كۇش سالۋ قاجەت»، دەپ وتباسى ينستيتۋ­تىن دامىتۋ مەن نىعايتۋدا جو­با­نىڭ ماڭىزدىلىعىن اتاپ ءوتتى.

ءىس-شاراعا بۇۇ-نىڭ قازاق­ستان­داعى حالىقتىڭ قونىستانۋى سالا­سىنداعى قورىنىڭ (يۋنفپا) اتقارۋشى ديرەكتورى رايىم­بەك سيسەماليەۆ قاتى­سىپ، «جاس­وسپىرىمدەر مەن جاس­تاردىڭ رە­پرودۋكتيۆتى دەنساۋ­لىعىن قورعاۋ – جاس وتباسى دەن­سا­ۋ­لى­عى­نىڭ ماڭىزدى فاكتور­لارىنىڭ ءبىرى» تاقىرىبىندا بايانداما جاسادى.

«قازاقستان اكەلەرى» رەس­پۋب­ليكالىق اكەلەر قاۋىمداستىعىنىڭ توراعاسى امانعوس قۇلوۆ ءباس­پا­سوز كونفەرەنتسياسى بارىسىندا وتباسىلىق داستۇرلەر مەن وت­با­سىلىق قۇندىلىقتاردى قا­لىپ­­تاستىرۋداعى ەرلەر مەن اكە­لەردىڭ ءرولى تۋرالى ايتىپ بەردى.  «وتباسىنىڭ بەرىكتىگى مەن تۇراق­تى­لىعى كوبىنەسە وتباسىنىڭ باس­شىسىنا – ەر ادامعا بايلانىستى، سوندىقتان ءبىز ءبىلىم بەرۋ مەكەمەلەرىندە سانالى اكە بولۋ تاقىرىبىندا جاستارمەن جانە جاسوسپىرىمدەرمەن ءىس-شارالار وتكىزەمىز»،  دەدى امانعوس قۇلوۆ.

قازاقستان مەدياتورلار قا­ۋىمداستىعىنىڭ اتىنان ءسوز العان اقنۇر جۇماباەۆا «وتباسىنداعى جانجالدى جاعدايلاردى شە­شۋ­دەگى مەدياتيۆتىك تەحنو­لو­گيالار» تاقىرىبىندا وي قوزعادى.

JANYM قوعامدىق بىرلەس­تى­گىنىڭ اتقارۋشى ديرەكتورى نا­تاليا كليۋجينا جاس جۇبايلارعا، جاسوسپىرىمدەرگە، جاستارعا نەكە قيعانعا دەيىن سانالى تۇردە ەر­لى-زايىپتىلىق تاقىرىبىندا اعارتۋ جۇمىستارىن جۇرگىزۋدىڭ ماڭىزدىلىعى تۋرالى بايانداما جاسادى.

ءىس-شاراعا ازاماتتىق باستامالاردى قولداۋ ورتالىعىنىڭ وكىلدەرى، جوبا سەرىكتەستەرى جا­نە باسقالار قاتىستى. جوبا ازا­مات­تىق باستامالاردى قولداۋ ورتالىعىنىڭ قولداۋىمەن جۇزەگە اسىرىلۋدا.

باعدارلاما ۇيلەستىرۋشىسى – «EN BAQYTTY EL» قوعامدىق قورى.

بارلىق سۇراقتار بويىنشا تەلەفون ارقىلى حابارلاسىڭىز: +7 701 642 7008، +7 701 242 70 93.

سوڭعى جاڭالىقتار

اتىراۋ وبلىسىندا 77 براكونەر انىقتالدى

ايماقتار • 23 قىركۇيەك، 2022

نوۆاك دجوكوۆيچ قازاقستانعا كەلەدى

تەننيس • 23 قىركۇيەك، 2022

اتىراۋدا قوناقۇيدەن ءورت شىقتى

وقيعا • 23 قىركۇيەك، 2022

ۇقساس جاڭالىقتار