قوعام • 19 ءساۋىر، 2021

قوستانايلىق ەر ادامنان 105 گرامم ەسىرتكى تاركىلەندى

8 رەت كورسەتىلدى

ليساكوۆسك قالاسىندا ەر ادام تىيىم سالىنعان پسيحيكالىق بەلسەندى زاتتاردىڭ ءىرى پارتياسىمەن قولعا ءتۇستى، دەپ حابارلايدى Egemen.kzء ىىم ءباسپاسوز قىزمەتىنە سىلتەمە جاساپ.

ء«ساۋىر ايىنىڭ باسىندا پوليتسيا قىزمەتكەرلەرى جەدەل-ىزدەستىرۋ شارالارىن جۇرگىزۋ بارىسىندا ليساكوۆسك قالاسىندا 5-شاعىن اۋدانداعى پاتەردى ءتىنتۋ كەزىندە 23 جاستاعى ەر ادامنىڭ شولاق شالبارىنىڭ قالتاسىنان سالماعى ءتورت گراممنان استام، سينتەتيكالىق پسيحيكالىق بەلسەندى زات  پيرروليدينوۆالەفەرنون (ا-رVر ءسينونيمى)، 4-مەتيلمەتكاتينون جانە مەتكاتينون (مەفەدرون ءسينونيمى) اجىراتقىش لەنتامەن ورالعان 10 تۇيىنشەك تاركىلەندى.

سونداي-اق ىزدەستىرۋ شارالارى بارىسىندا ءتور ۇيدەگى شكافتان جوعارىدا اتالعان ازاماتتان تاركىلەنگەن زاتقا ۇقساس، جالپى سالماعى 100 گراممنان استام، اجىراتقىش لەنتامەن ورالعان 146 تۇيىنشەك سالىنعان تسەللوفان پاكەت تابىلدى. وسىلايشا، تاركىلەنگەن سينتەتيكالىق پسيحيكالىق بەلسەندى زاتتىڭ جالپى سالماعى 105 گر قۇرادى، بۇل اسا ءىرى كولەمگە جاتادى»، دەيدى ماماندار.

اتالعان فاكتى بويىنشا قر قك 297-بابىنىڭ 3-بولىگىمەن (ەسىرتكى، پسيحوتروپتىق زاتتاردى، سول تەكتەستەردى وتكىزۋ ماقساتىندا زاڭسىز دايىنداۋ، قايتا وڭدەۋ، يەمدەنۋ، ساقتاۋ، تاسىمالداۋ، جونەلتۋ نە وتكىزۋ) سوتقا دەيىنگى تەرگەۋ جۇرگىزىلۋدە.

كۇدىكتى تاراپىندا “قاماۋدا ۇستاۋ” بۇلتارتپاۋ شاراسى قابىلداندى، تىيىم سالىنعان زاتتاردى جونەلتۋ ارنالارىن جانە زاڭسىز ارەكەتكە قاتىسى بار ادامداردى انىقتاۋ شارالارى جۇرگىزىلۋدە.

سوڭعى جاڭالىقتار

اقىل الىبى

رۋحانيات • كەشە

شىعىستانۋدىڭ بيىك شىنارى

ايەل الەمى • كەشە

بەيقامدىق بەلەڭ الىپ تۇر

كوروناۆيرۋس • كەشە

ۇلكەن قالادا اداسۋ

رۋحانيات • كەشە

ۇقساس جاڭالىقتار