ايماقتار • 19 ءساۋىر، 2021

اتىراۋدا ۇيدەن ءورت شىعىپ، 4 بالا قۇتقارىلدى

24 رەت كورسەتىلدى

ءىىم رەسمي وكىلى ءنۇردىلدا وراز ونلاين بريفينگتە اتىراۋ وبلىسىنىڭ پوليتسەيلەرى قۇلسارىداعى كوپپاتەرلى ءۇيدىڭ بىرىنەن قۇتقارۋشىلاردىڭ جاڭا تۋعان نارەستە مەن ءۇش بالانى شىعارعانىن ايتتى، دەپ حابارلايدى Egemen.kz

ءورت تۋرالى حابار اۋداندىق پوليتسيا بولىمىنە تاڭەرتەڭ تۇسكەن. وقيعا ورنىنا پاترۋلدىك قىزمەتكەرلەر اتتانعان.

«پوليتسەيلەر كەلگەندە ءۇي ءىشى قويۋ تۇتىنگە تولعان ەدى، سوندىقتان قىزمەتكەرلەر ءورت سوندىرۋشىلەردىڭ كەلۋىن كۇتپەي، تۇرعىنداردى ەۆاكۋاتسيالاي باستادى. پاتەرلەردىڭ بىرىندە تارتپالى توبە استىنداعى سىمداردىڭ قىسقا تۇيىقتالۋىنان ءتۇتىن باستالعان جانە اۋاعا ۋلى ءتۇتىن تاراي باستاعان. مۇندا ازداعان جەلدىڭ ءوزى ۇلكەن بولمەدە ءورت شىعارۋى مۇمكىن ەدى. ءتورت پوليتسەي تازا اۋا جۇتۋ ءۇشىن كەزەك-كەزەك كوشەگە شىعىپ، قايتادان كىرگەن»، دەدى ءنۇردىلدا وراز.

ولار جاڭا تۋعان نارەستە مەن 4، 5 جانە 6 جاستاعى ءۇش بالانى الىپ شىققان جانە قارتتارعا ۇيدەن شىعۋعا كومەكتەستى.

«سودان كەيىن پوليتسەيلەر بارلىق پاتەرلەردى بىرنەشە رەت تەكسەرىپ، ەشكىم قالماعانىنا كوز جەتكىزدى. دارىگەرلەر قۇتقارىلعان تۇرعىنداردى تەكسەردى، ولاردىڭ ەشقايسىسىنا مەديتسينالىق كومەك قاجەت بولمادى. كەيىن ءورت سوندىرۋشىلەر ءورت وشاعىن جويدى»،  دەدى ءىىم رەسمي وكىلى.

سوڭعى جاڭالىقتار

قانشا ادام ۆاكتسينا سالدىردى؟

كوروناۆيرۋس • بۇگىن، 09:16

ۇقساس جاڭالىقتار